സെന്കുമാര് കേസില് കനത്ത തിരിച്ചടി; സര്ക്കാര് പിഴയൊടുക്കണം
BY shinila shins5 May 2017 5:42 AM GMT
X
shinila shins5 May 2017 5:42 AM GMT
ന്യൂഡല്ഹി: മുന് ഡിജിപി ടിപി സെന്കുമാര് കേരള സര്ക്കാരിനെതിരേ സമര്പ്പിച്ച കോടതിയലക്ഷ്യക്കേസില് സര്ക്കാരിന് കനത്ത തിരിച്ചടി. സെന്കുമാറിനെ ഡിജിപിയായി പുനര്നിയമിക്കണമെന്നുള്ള കോടതിവിധി നടപ്പിലാക്കാത്തതിനെതിരേയായിരുന്നു ഹരജി. വിധി നടപ്പിലാക്കിയില്ലെങ്കില് എന്തു ചെയ്യണമെന്ന് തങ്ങള്ക്കറിയാമെന്ന് കോടതി വ്യക്തമാക്കി. വിധിയില് വ്യക്തത തേടിയുള്ള സര്ക്കാരിന്റെ ഹരജി കോടതി തള്ളുകയും ചെയ്തു. ഹരജി സമര്പ്പിച്ചതു തന്നെ തെറ്റായ നടപടിയായിപ്പോയെന്ന് സുപ്രീംകോടതി വ്യക്തമാക്കി.കോടതിയുടെ ചിലവിനായി സര്ക്കാര് 25,000 രൂപ പിഴയടയ്ക്കുകയും വേണം. തല്ക്കാലം ചീഫ് സെക്രട്ടറി നേരിട്ട ഹാജരാകേണ്ടതില്ലെന്നും കോടതി പറഞ്ഞു. കേസ് തിങ്കാളാഴ്ച വീണ്ടും പരിഗണിക്കും. സംസ്ഥാനസര്ക്കാരിന്റെ പ്രവൃത്തി ഒരു ന്യായീകരണവും അര്ഹിക്കുന്നതല്ലെന്നും കോടതി നിരീക്ഷിച്ചു. കോടതി അലക്ഷ്യക്കേസില് സംസ്ഥാനസര്ക്കാരിന് കോടതി നോട്ടീസയക്കുകയും ചെയ്തു. സര്ക്കാരിനെതിരേ വ്യക്തമായ നടപടിയുണ്ടാകുമെന്ന സൂചനയാണ് ഇതു നല്കുന്നത്. സെന്കുമാറിനെ പോലീസ് മേധാവിയായി നിയമിച്ചിട്ടില്ല എന്നാണ് സംസ്ഥാനസര്ക്കാരിന്റെ അഭിഭാഷകന് കോടതിയില് വാദിച്ചത്. എന്നാല് ഇത്തരം ന്യായീകരണങ്ങളൊന്നും കേള്ക്കേണ്ടതില്ലെന്നും കോടതി പറഞ്ഞു. നളിനി നെറ്റോയ്ക്ക് വേണ്ടിയും സര്ക്കാരിനു വേണ്ടിയും രണ്ട് മുതിര്ന്ന അഭിഭാഷകരാണ് കോടതിയില് ഹാജരായിരുന്നത്.
[related]
Next Story
RELATED STORIES
വിവിപാറ്റ്; കൂടുതല് വ്യക്തത തേടി സുപ്രിംകോടതി; ഉച്ചയ്ക്ക് രണ്ടിന്...
24 April 2024 8:12 AM GMTസുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMT25000 കോടിയുടെ തട്ടിപ്പ് കേസില് ഉപമുഖ്യമന്ത്രി അജിത് പവാറിന് ആശ്വാസം; ...
24 April 2024 5:49 AM GMTസംസ്ഥാനത്ത് പരസ്യ പ്രചാരണത്തിന് ഇന്ന് കൊട്ടിക്കലാശം; വെള്ളിയാഴ്ച...
24 April 2024 5:48 AM GMT