വ്യോമസേനയിലേക്ക് സുഖോയ്-30

ന്യൂഡല്‍ഹി: ഇന്ത്യ തദ്ദേശീയമായി വികസിപ്പിച്ച സുഖോയ്-30 വിമാനം വ്യോമസേനയുടെ ഭാഗമായി. സുഖോയ്-30 എംകെഐയുടെ പരിഷ്‌കരിച്ച വിമാനം ഇന്ത്യന്‍ വ്യോമസേനയിലേക്കെത്തുന്നു.
മുംബൈയില്‍ ഒഝാര്‍ വ്യോമസേന സ്‌റ്റേഷനില്‍ നടക്കുന്ന ചടങ്ങിന് എയര്‍ മാര്‍ഷല്‍ ഹേമന്ത് ശര്‍മ നേതൃത്വം നല്‍കും. റഷ്യയുടെ ടെക്‌നോളജിയില്‍ നിര്‍മിച്ച സുഖോയ്-30 പോര്‍ വിമാനം കഴിഞ്ഞ 15 വര്‍ഷമായി ഇന്ത്യന്‍ വ്യോമസേനയില്‍ ഉപയോഗിക്കുന്നു. 2002 സപ്തംബറിലാണ് സുഖോയ്-30 വിമാനം ഇന്ത്യക്കു ലഭിക്കുന്നത്. ഇന്ത്യയില്‍ തന്നെ സുഖോയ് നിര്‍മിക്കുന്നത് 2004ലാണ്. 242 സുഖോയ് പോര്‍വിമാനങ്ങളാണ് ഇന്ത്യന്‍ വ്യോമസേനയിലുള്ളത്. അടുത്തിടെ ഇന്ത്യന്‍ വ്യോമസേനയുടെ സുഖോയ് വിമാനം തകര്‍ന്നുവീണിരുന്നു. അതിന്റെ പശ്ചാത്തലത്തിലാണ് ഒട്ടേറെ മാറ്റങ്ങള്‍ വരുത്തി സുഖോയ് വികസിപ്പിച്ചത്.