വിംബിള്ഡണ് ടെന്നിസ്: ഹാലെപ് മൂന്നാം റൗണ്ടില്, മുഗുരസ പുറത്ത്
BY vishnu vis6 July 2018 12:14 PM GMT
X
vishnu vis6 July 2018 12:14 PM GMT
ലണ്ടന്: വിംബിള്ഡണ് വനിതാ സിംഗിള്സില് ലോക ഒന്നാം നമ്പര് താരം സിമോണ ഹാലെപ് മൂന്നാം റൗണ്ടിലേക്ക് കുതിച്ചപ്പോള് ലോക മൂന്നാം നമ്പര് താരം സ്പെയിനിന്റെ ഗാര്ബൈന് മുഗുരുസയ്ക്ക് അട്ടിമറി പിണഞ്ഞു. വനിതകളില് മറ്റ് താരങ്ങളായ 14ാം സീഡ് റഷ്യയുടെ ദരിയ കസത്കീനയും 12ാം സീഡ് ലാത്വിയയുടെ യെലേന ഒസ്റ്റപെങ്കോയും മൂന്നാം റൗണ്ടില് കടന്നു. എന്നാല് 22ാം സീഡ് ബ്രിട്ടന്റെ ജോഹന്ന കോണ്ടയും പരാജയം നേരിട്ടു.
ലോക 47ാം നമ്പര് താരം ബെല്ജിയത്തിന്റെ അലിസന് ഉയിറ്റ്വാങ്കാണ് മുഗുരുസയെ പരാജയപ്പെടുത്തിയത്. സ്കോര് 5-7,6-2,6-1. ആദ്യ സെറ്റ് സ്വന്തമാക്കിയ മുഗുരുസ പിന്നീടുള്ള രണ്ട് സെറ്റും അടിറവയ്ക്കുകയായിരുന്നു. എന്നാല് 126ാം നമ്പര് ചൈനീസ് താരം സായ്സായ് യെങിനെയാണ് ടോപ് സീഡായ റുമാനിയയുടെ സിമോണ ഹാലെപ് പരാജയപ്പെടുത്തിയത്. സ്കോര് 7-5,6-0.
14ാം സീഡ് റഷ്യയുടെ ദരിയ കസത്കീനയും 12ാം സീഡ് ലാത്വിയയുടെ യെലേന ഒസ്റ്റപെങ്കോയും ജയം അക്കൗണ്ടിലാക്കിയപ്പോള് 22ാം സീഡ് ബ്രിട്ടന്റെ ജോഹന്ന കോണ്ട പരാജയം നേരിട്ടു. ലോക 45ാം നമ്പര് താരം ബെല്ജിയത്തിന്റെ കിര്സ്റ്റന് ഫ്ലിപ്കെന്സിനെ 6-1,6-3 ന് പരാജപ്പെടുത്തിയാണ് ഒസ്റ്റപെങ്കോ മുന്നേറ്റം നടത്തിയത്. അതേസമയം, ലോക 33ാം നമ്പര് താരം സ്ലൊവാകിയയുടെ ഡൊമിനിക്ക സിബുല്ക്കോവയാണ് 24ാം നമ്പര് താരമായ ജോഹന്ന കോണ്ടയെ തോല്പിച്ചത്. സ്കോര് 6-3,6-4.
പുരുഷ സിംഗിള്സില് ടൂര്ണമെന്റിലെ അഞ്ചാം സീഡ് ഡെല്പോട്രോയും 24ാം സീഡ് കെയ് നിഷിക്കോരിയും മൂന്നാം റൗണ്ടില് പ്രവേശിച്ചു. ലോക 70ാം നമ്പര് താരം സ്പെയിനിന്റെ ഫെലിസിയാനോ ലോപസിനെയാണ് നാലാം നമ്പര് അര്ജന്റീനന് താരമായ ഡെല് പോട്രോ പരാജയപ്പെടുത്തിയത്. സ്കോര് 6-4,6-1,6-2.
Next Story
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT