വയനാടന് ചക്കയ്ക്ക് ഇത് നല്ലകാലം
BY fousiya sidheek19 May 2017 6:08 AM GMT
fousiya sidheek19 May 2017 6:08 AM GMT
നടവയല്: കൃഷിയിടങ്ങളില് പാഴായി പോവുന്ന ചക്ക വാങ്ങാന് കച്ചവടക്കാര് എത്തിയതോടെ കര്ഷകര്ക്ക് നല്ലൊരു വരുമാന മാര്ഗം കൂടിയായി ചക്ക വിപണി മാറുന്നു. ദിനംപ്രതി ലോഡ് കണക്കിന് ചക്കയാണ് ജില്ലയില് നിന്നും അയല് സംസ്ഥാനങ്ങളിലേക്ക് കയറ്റി പോകുന്നത്. വനാതിര്ത്തി ഗ്രാമങ്ങളിലെ കര്ഷകര്ക്ക് ആനശല്യം കാരണം ഇനി ചക്ക വെറുതെ വെട്ടി കളയേണ്ട കാര്യമില്ല. ഒരു ചക്കക്ക് അഞ്ച് രൂപ മുതല് കൃഷിക്കാരന് നല്കിയാണ് കച്ചവടക്കാര് ചക്ക വാങ്ങുന്നത്. ആനശല്യം ഭയന്ന് ചെറുപ്പത്തിലെ വിരിയുന്ന ചക്കകള് അരിഞ്ഞ് കളയാതെ വെച്ച കര്ഷകര്ക്കാണ് ഇപ്പോള് ഗുണമായത്. ബാംഗ്ലൂര്, മൈസൂര്, ചെന്നൈ തുടങ്ങിയ മാര്ക്കറ്റുകളിലേക്കാണ് ജില്ലയിലെ ചക്കകള് കയറ്റി അയക്കുന്നത്. അവിടെ എത്തിച്ചാല് ഒരു ചക്കക്ക് 50 രൂപ വരെ വില. പേര് കേട്ട ഇനങ്ങളായ വരിക്ക, തേന്വരിക്ക എന്നിവക്കാണ് ആവശ്യക്കാര് ഏറെയുള്ളത്. കൂടാതെ പുഴുങ്ങാനും, ചിപ്സ് മുതലായവ ഉണ്ടാക്കുന്നതിനും പച്ചചക്ക തേടി ആളുകള് എത്തുന്നുണ്ട്. പ്ലാവില് നിന്നും ചക്ക ശേഖരിച്ച് വാഹനത്തില് കയറ്റി മൈസൂരില് എത്തിക്കുന്നതിന്റെ ചെലവ് എല്ലാം കഴിച്ച് മികച്ച വരുമാനം കച്ചവടക്കാര്ക്കും ലഭിക്കുന്നുണ്ട്. ചക്ക വില്പനയില് നിന്നും ചെറിയ വരുമാനം ലഭിക്കുന്നത് കര്ഷകര്ക്കും സന്തോഷം പകരുന്നു.
Next Story
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT