റോഹിന്ഗ്യ: മ്യാന്മറിനെതിരേ നിലപാട് കടുപ്പിച്ച് യുഎന്
BY kasim kzm20 Dec 2017 2:46 AM GMT
kasim kzm20 Dec 2017 2:46 AM GMT
യുനൈറ്റഡ് നാഷന്സ്: റഖൈനില് റോഹിന്ഗ്യരെ വംശീയ ഉന്മൂലനത്തിനിരയാക്കിയ മ്യാന്മര് ഭരണകൂടത്തിനെതിരേ നിലപാട് കടുപ്പിച്ച് യുഎന്. റോഹിന്ഗ്യരെ വംശഹത്യക്കിരയാക്കിയതായി കോടതി കണ്ടെത്തിയാല് അതില് അദ്ഭുതപ്പെടേണ്ടതില്ലെന്നും യുഎന് മനുഷ്യാവകാശ വിഭാഗം ഹൈകമ്മീഷണര് സെയ്ദ് റഅദ് അല് ഹുസയ്ന് അറിയിച്ചു. റോഹിന്ഗ്യര്ക്കെതിരായ അക്രമം വളരെ ആസൂത്രിതമായി നടപ്പാക്കിയ നീക്കമായിരുന്നുവെന്നു സൈനിക നടപടി അവസാനിപ്പിക്കാന് മ്യാന്മര് നേതാവ് ഓങ്സാന് സൂച്ചി കൂടുതല് നടപടികള് സ്വീകരിക്കണമെന്നും അദ്ദേഹം ആവശ്യപ്പെട്ടു. സാഹചര്യത്തെളിവുകള് പരിശോധിക്കുമ്പോള് വംശഹത്യാനീക്കം നടന്നു എന്ന ആരോപണത്തെ തള്ളിക്കളയാന് കഴിയില്ല. ഓങ്സാന് സൂച്ചിയും സായുധ സേനാവിഭാഗം മേധാവി ഓങ് മിന് ഹിയാങും വംശഹത്യാ കുറ്റവിചാരണ നേരിടേണ്ടിവരുമെന്ന സൂചനയും അദ്ദേഹം നല്കി. അതേസമയം, ബംഗ്ലാദേശിലെ അഭയാര്ഥി ക്യാംപുകളില് കഴിയുന്ന റോഹിന്ഗ്യരെ ജനുവരി മുതല് റഖൈനിലേക്ക് മടങ്ങാന് അനുവദിക്കുമെന്ന്് ബംഗ്ലാദേശും മ്യാന്മറും തമ്മില് ധാരണയിലെത്തി. മ്യാന്മറിലേക്ക് മടങ്ങുന്ന രോഹിന്ഗ്യരുടെ സുരക്ഷ സംബന്ധിച്ച് സന്നദ്ധസംഘടനകള് മുന്നറിയിപ്പ് നല്കുന്നതിനിടെയാണ് നീക്കം. രണ്ടു മാസ്ത്തിനിടയ്ക്ക് അഭയാര്ഥികളെ മ്യാന്മറിലേക്കു മടങ്ങാന് അനുവദിക്കുമെന്ന് നവംബര് 23ന് ധാരണയിലെത്തിയിരുന്നു. അഭയാര്ഥികളുടെ മടക്കത്തിനുള്ള സമയക്രമം നിശ്ചയിച്ചതിലൂടെ ധാരണയോടുള്ള തങ്ങളുടെ പ്രതിബദ്ധത വ്യക്തമാക്കിയതായി ബംഗ്ലാദേശ് വിദേകാര്യമന്ത്രി അറിയിച്ചു.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT