യുഎന്‍ കരട് റിപോര്‍ട്ട് സമര്‍പ്പിച്ചു

തിരുവനന്തപുരം: പ്രളയാനന്തര കേരളത്തിന്റെ പുനര്‍നിര്‍മാണത്തിനായി ഐക്യരാഷ്ട്ര സംഘടന തയ്യാറാക്കിയ പോസ്റ്റ് ഡിസാസ്റ്റര്‍ നീഡ് അനാലിസിസ് റിപോര്‍ട്ടിന്റെ കരട് സര്‍ക്കാരിനു സമര്‍പ്പിച്ചു. യുഎന്‍ ആക്ടിങ് റസിഡന്റ് കോ-ഓഡിനേറ്ററും ലോകാരോഗ്യ സംഘടനയുടെ ഇന്ത്യയിലെ മേധാവിയുമായ ഡോ. ഹെന്‍ക് ബെക്കഡാം, സംസ്ഥാന ഡിഡിഎന്‍എ കോ-ഓഡിനേറ്റര്‍ വെങ്കിടേസപതി എന്നിവര്‍ ചേര്‍ന്നാണ് ചീഫ് സെക്രട്ടറി ടോം ജോസിന് റിപോര്‍ട്ടിന്റെ കരട് കൈമാറിയത്. റിപോര്‍ട്ട് അനുസരിച്ച് 5വര്‍ഷത്തിനുള്ളില്‍ നവകേരള നിര്‍മാണത്തിന് 27,000 കോടി രൂപ ആവശ്യമുണ്ട്. 72 വിദഗ്ധര്‍ 10 ജില്ലകള്‍ സന്ദര്‍ശിച്ചാണ് റിപോര്‍ട്ട് തയ്യാറാക്കിയത്.