പോലിസിനെ വെട്ടിച്ച് രക്ഷപ്പെട്ട വധശ്രമക്കേസിലെ പ്രതി പിടിയില്
BY fousiya sidheek26 May 2017 4:57 AM GMT
fousiya sidheek26 May 2017 4:57 AM GMT
കാസര്കോട്: കോടതിയില് ഹാജരാക്കി തിരിച്ചു കൊണ്ടു പോകുന്നതിനിടെ വധശ്രമക്കേസിലെ പ്രതി പോലിസിനെ വെട്ടിച്ച് രക്ഷപ്പെട്ടു. മണിക്കൂറോളം നീണ്ട തിരച്ചിലിനൊടുവില് പ്രതിയെ പോലിസ് കണ്ടെത്തി. മധൂര് കൊല്ലങ്കാനത്തെ താമസക്കാരനും കളനാട് സ്വദേശിയുമായ മുനീറാ(30)ണ് പിടിയിലായത്. വിദ്യാനഗര് പോലിസ് സ്റ്റേഷന് പരിധിയില് ഒരു വധശ്രമക്കേസില് പ്രതിയാണ് മുനീര്. കണ്ണൂര് സെന്ട്രല് ജയിലില് റിമാന്റിലായിരുന്ന മുനീറിനെ റിമാന്റ് കാലാവധി തീര്ന്നതിനെത്തുടര്ന്ന് കാസര്കോട് ജുഡീഷ്യല് മജിസ്ട്രേറ്റ് കോടതിയില് ഹാജരാക്കുകയായിരുന്നു. റിമാന്റ് കാലാവധി നീട്ടിയതിനെത്തുടര്ന്ന് വീണ്ടും സെന്ട്രല് ജയിലിലേക്ക് കൊണ്ടു പോകുന്നതിനിടെയാണ് പോലിസിനെ വെട്ടിച്ച് ഓടിയത്. ഉച്ചക്ക് 12ഓടെയാണ് സംഭവം. വിദ്യാനഗര് സിഐയുടെ നേതൃത്വത്തിലുള്ള പോലിസ് സംഘം നടത്തിയ തിരച്ചിലില് വൈകിട്ട് നാലേമുക്കാലോടെ കളനാട്ടെ വീട്ടില് വച്ചാണ് മുനീര് പിടിയിലാവുന്നത്. പോലിസിനെ വെട്ടിച്ച് കടന്നതിനും മുനീറിനെതിരെ കേസെടുത്തിട്ടുണ്ട്.
Next Story
RELATED STORIES
തലപ്പുഴയില് മാവോവാദികള് എത്തി; തിരഞ്ഞെടുപ്പ് ബഹിഷ്കരിക്കാന്...
24 April 2024 6:19 AM GMTശില്പ്പ ഷെട്ടിയുടെയും ഭര്ത്താവിന്റെയും 97 കോടിയുടെ സ്വത്ത്...
18 April 2024 12:11 PM GMTചാംപ്യന്സ് ലീഗില് പിഎസ്ജി-ഡോര്ട്ട്മുണ്ട് സെമി; ബാഴ്സയും...
17 April 2024 6:08 AM GMTഫലസ്തീന് പ്രശ്നപരിഹാരം കൂടാതെ പശ്ചിമേഷ്യന് സംഘര്ഷം...
16 April 2024 5:37 PM GMTയുഎഇയില് ഇന്നുമുതല് മൂന്നുദിവസം ശക്തമായ മഴയ്ക്കു സാധ്യത
15 April 2024 4:41 PM GMTഇറാന് ആക്രമണം പ്രതിരോധിക്കാന് ഇസ്രായേലിന് ചെലവായത് 11,000 കോടി
15 April 2024 6:13 AM GMT