പേരറിവാളന് കേസില് വീണ്ടും വാദം കേള്ക്കാം: സുപ്രിംകോടതി
BY kasim kzm13 Dec 2017 2:53 AM GMT
kasim kzm13 Dec 2017 2:53 AM GMT
ന്യൂഡല്ഹി: മുന് പ്രധാനമന്ത്രി രാജീവ് ഗാന്ധിയുടെ വധത്തിനു പിന്നിലെ ഗൂഢാലോചന സംബന്ധിച്ച കേസില് വീണ്ടും വാദം കേള്ക്കാന് തയ്യാറാണെന്ന് സുപ്രിംകോടതി. കേസ് അനന്തമായി നീളുകയാണെന്ന് നിരീക്ഷിച്ച കോടതി, കേസില് പ്രതിയായ എ ജി പേരറിവാളന് നല്കിയ ഹരജിയില് വീണ്ടും വാദം കേള്ക്കാന് തയ്യാറാണെന്നു വ്യക്തമാക്കി. ജീവപര്യന്തം ശിക്ഷയനുഭവിക്കുന്ന പേരറിവാളന് നല്കിയ മൊഴികളിലെ ചില ഭാഗങ്ങള് കേസന്വേഷിച്ച സിബിഐ ഒഴിവാക്കിയതായി അന്വേഷണ സംഘത്തിലുണ്ടായിരുന്ന മുന് ഉദ്യോഗസ്ഥന് കോടതിയില് വെളിപ്പെടുത്തിയതിന്റെ പശ്ചാത്തലത്തിലാണ് ജസ്റ്റിസുമാരായ രഞ്ജന് ഗൊഗോയി, ആര് ഭാനുമതി എന്നിവരടങ്ങിയ ബെഞ്ച് ഇക്കാര്യം വ്യക്തമാക്കിയത്. ഒക്ടോബര് 27ന് സുപ്രിംകോടതി മുമ്പാകെ നല്കിയ സത്യവാങ്മൂലത്തിലാണ് സിബിഐ മുന് ഉദ്യോഗസ്ഥനായ ത്യാഗരാജന്, പേരറിവാളന് നല്കിയ മൊഴികളിലെ ചില ഭാഗങ്ങള് കേസന്വേഷിച്ച സിബിഐ ഒഴിവാക്കിയിരുന്നുവെന്ന കാര്യം വെളിപ്പെടുത്തിയിരുന്നത്. ഗൂഢാലോചന സംബന്ധിച്ചു നടത്തിയ അന്വേഷണം, അവരെത്തിയ നിഗമനം, സിബിഐ മുന് ഉദ്യോഗസ്ഥന്റെ കുറ്റസമ്മതം എന്നിവ പരിഗണിച്ചാണ് കോടതി വീണ്ടും വാദം കേള്ക്കാമെന്നു സമ്മതിച്ചത്. ഗൂഢാലോചന സംബന്ധിച്ച അന്വേഷണം പൂര്ത്തിയാവുന്നത് വരെ ശിക്ഷ റദ്ദാക്കണമെന്ന് പേരറിവാളന്റെ അഭിഭാഷകന് ശങ്കരനാരായണന് ഇന്നലെയും വാദിച്ചു. വീണ്ടും റിവ്യൂ ഹരജി നല്കാന് കോടതി പേരറിവാളന്റെ അഭിഭാഷകന് നിര്ദേശം നല്കി. കേസ് വിശദമായി വാദം കേള്ക്കുന്നതിന് ജനുവരി 24ലേക്ക് മാറ്റി.
Next Story
RELATED STORIES
സര്ക്കാര് മാറിയാല് മാതൃകാപരമായ നടപടിയുണ്ടാവും; ഇത് എന്റെ...
29 March 2024 2:46 PM GMTപയ്യാമ്പലത്തെ സി പി എം സ്മൃതി കുടീരങ്ങള്ക്ക് നേരെയുണ്ടായ അതിക്രമം;...
29 March 2024 2:17 PM GMTമുക്താര് അന്സാരിയുടെ സംസ്കാര ചടങ്ങില് പങ്കെടുക്കണം; കോടതിയെ...
29 March 2024 1:56 PM GMTകോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTകെജ്രിവാളിന് പിന്തുണ അറിയിക്കാന് വാട്സാപ് നമ്പര്; 'കെജ്രിവാള് കൊ ...
29 March 2024 11:21 AM GMT