വാഗ്ദാനം ചെയ്ത പണം തരണം; പള്സര് സുനി ദിലീപിന് എഴുതിയ കത്ത് പുറത്ത്
BY midhuna mi.ptk24 Jun 2017 7:18 AM GMT
X
midhuna mi.ptk24 Jun 2017 7:18 AM GMT
കൊച്ചി: കൊച്ചിയില് നടിയെ തട്ടികൊണ്ടുപോയ കേസില് പിടിയിലായ പള്സര് സുനി തടവിലിരിക്കെ നടന് ദിലീപിന് എഴുതിയ കത്ത് പുറത്ത്. സ്വകാര്യ ചാനലുകളാണ് കത്ത് പുറത്തുവിട്ടത്. ദിലീപിന് നല്കാന് സഹതടവുകാരന് കൈവശം പള്സര് സുനി കൊടുത്തുവിട്ടെന്ന് പറയപ്പെടുന്ന കത്താണ് ചാനലുകള് പുറത്തുവിട്ടത്. തനിക്ക് വാഗ്ദാനം ചെയ്ത പണം നല്കണമെന്നാണ് കത്തില് പറയുന്നത്. നടിയുമായി അടുത്ത ബന്ധമുള്ളവരും നടനോട് ശത്രുതയുള്ളവരും തന്നെ വന്ന് കാണുന്നുണ്ട്. നടനുമായി അടുപ്പമുള്ള സംവിധായകരുമായി ഫോണില് ബന്ധപ്പെട്ടിട്ടും നടപടിയുണ്ടാകാത്തതിനാലാണ് കത്ത് എഴുതുന്നതെന്നും പറയുന്നു. ഈ കേസില്പെട്ടതോടുകൂടി തന്റെ ജീവിതം തന്നെ അവസാനിച്ചപോലെയാണെന്നും തനിക്കൊപ്പമുണ്ടായിരുന്ന മറ്റ് അഞ്ച് പേരെക്കൂടി സുരക്ഷിതരാക്കണമെന്നും കത്തില് പറയുന്നു. സിനിമാ മേഖലയുമായി ബന്ധപ്പെട്ട രഹസ്യങ്ങള് ആരോടും പറഞ്ഞിട്ടില്ല. കത്ത് കിട്ടി മൂന്ന് ദിവസത്തിനുള്ളില് പ്രതികരണം അറിയിക്കണമെന്നും ചാനല് പുറത്തുവിട്ട കത്തില് ആവശ്യപ്പെടുന്നുണ്ട്.
അതേസമയം, പള്സര് സുനിയുടെ സഹതടവുകാരന് ബ്ലാക്ക് മെയില് ചെയ്തുവെന്ന് കാണിച്ച് നടന് ദിലീപും സംവിധായകന് നാദിര്ഷയും ഡിജിപിക്ക് പരാതി നല്കി. ഫോണ് സംഭാഷണം അടക്കമുള്ള രേഖകള് സഹിതമാണ് പരാതി നല്കിയത്. ദിലീപിന്റെ പേര് പറയാതിരിക്കാന് ഒന്നര കോടി രൂപ ആവശ്യപ്പെട്ടതായി പരാതിയില് പറയുന്നു.
പള്സര്സുനി പണമാവശ്യപ്പെട്ട് നടന് എഴുതിയ കത്ത് സ്വകാര്യ ചാനല് പുറത്തുവിട്ടതിന് പിന്നാലെയാണ് ദിലീപ് പരാതി നല്കിയെന്ന വാര്ത്തയും പുറത്തുവരുന്നത്.
Next Story
RELATED STORIES
ശക്തമായി തിരിച്ചടിക്കും; ഇസ്രായേലിന് വീണ്ടും ഇറാന്റെ മുന്നറിയിപ്പ്
20 April 2024 8:22 AM GMTപകരം വീട്ടാനാണ് ഇസ്രായേലിന്റെ നീക്കമെങ്കില് ശക്തമായി...
20 April 2024 7:59 AM GMTപഞ്ചാബിലെ സംഗ്രൂര് ജയിലില് തടവുകാര് ഏറ്റുമുട്ടി; രണ്ട് തടവുകാര്...
20 April 2024 7:57 AM GMTമദ്യം നൽകി വിദ്യാർഥിനികളെ പീഡിപ്പിച്ച രണ്ടുപേർ പിടിയിൽ
20 April 2024 7:56 AM GMTകൽപറ്റ നഗരത്തിൽ വീണ്ടും കാട്ടുപോത്ത്
20 April 2024 7:55 AM GMTഫ്രീലാന്സ് ജോലികളുടെ കാലം
20 April 2024 7:03 AM GMT