ടെക്നിക്കല് ഹൈസ്കൂള് പ്രവേശനം: അപേക്ഷാ ഫോറം വിതരണം ആരംഭിച്ചു
BY kasim kzm11 April 2018 4:15 AM GMT
kasim kzm11 April 2018 4:15 AM GMT
നീലേശ്വരം: ചെറുവത്തുര് ഗവ. ടെക്നിക്കല് ഹൈസ്കൂളിലേക്ക് പ്രവേശനത്തിനുള്ള അപേക്ഷ സ്വീകരിച്ച് തുടങ്ങി. ഏഴാം തരം വിജയിച്ചവര്ക്ക് എട്ടാംക്ലാസിലേക്കാണ് പ്രവേശനം. പൊതുവിദ്യാലയങ്ങളിലെ 8, 9, 10 ക്ലാസ്സുകളില് നല്കുന്ന വിഷയങ്ങള്ക്ക് പുറമെ ജനറല് എന്ജിനിയറിങ്, എന്ജിനിയറിങ് ഡ്രോയിങ്, ട്രേഡ് തിയറി എന്നിവയില് പ്രത്യേക പരിശീലനം നല്കി ജൂനിയര് എന്ജിനിയര്മാരെ വാര്ത്തെടുക്കുകയാണ് ലക്ഷ്യം. ഇംഗ്ലീഷാണ് പഠന മാധ്യമം. മെയ് രണ്ട് വരെ ലഭിക്കുന്ന അപേക്ഷകരില് നിന്നും മെയ് നാലിന്് നടത്തുന്ന പ്രവേശന പരീക്ഷയില് കൂടിയാണ് പ്രവേശനത്തിനുള്ള കുട്ടികളെ തിരഞ്ഞെടുക്കുന്നത്. ഇവിടെ നിന്നും നല്കുന്ന ടിഎച്ച്എസ്എല്സി സര്ട്ടിഫിക്കറ്റ് പൂര്ണ്ണമായും എസ്എസ്എല്സിക്ക് തുല്യമാണ്. ഈ വിദ്യാലയത്തില് ഇലക്ട്രിക്കല്, ഇലക്ട്രോണിക്സ്, ഓട്ടോമൊബൈല്, ടര്ണിങ്, ഫിറ്റിങ് എന്നീ സ്പെഷ്യലൈസ്ഡ് ട്രേഡുകളില് വിദഗ്ധമായ പരിശീലനം കുട്ടികള്ക്ക് നല്കുന്നു. ടിഎച്ച്എസ്എല്സി പഠനത്തോടൊപ്പം കേന്ദ്ര സര്ക്കാര് തൊഴില് നൈപുണ്യ പദ്ധതിയായ നാഷണല് സ്കില് ക്വളിഫിക്കേഷന് ഫ്രെയിംവര്ക്ക് (എന്എസ്ക്യൂഎഫ്) മുഖേന പ്രത്യേക പരിശീലനവും നല്കുന്നു. അപേക്ഷാ ഫോറം എല്ലാ പ്രവൃത്തി ദിവസങ്ങളിലും ഓഫിസില് നിന്ന് ലഭിക്കും. അപേക്ഷകരെ സഹായിക്കുവാന് ടെക്നിക്കല് ഹൈസ്ക്കുളില് ഹെല്പ് ഡെസ്ക്ക് സജ്ജീകരിച്ചിട്ടുണ്ട്. ഫോണ്: 04672260210, 9400006497.
Next Story
RELATED STORIES
പാലക്കാട്ട് ഉഷ്ണതരംഗ മുന്നറിയിപ്പ്; 12 ജില്ലകളില് യെല്ലോ അലര്ട്ട്
24 April 2024 10:50 AM GMTവിവിപാറ്റ്; കൂടുതല് വ്യക്തത തേടി സുപ്രിംകോടതി; ഉച്ചയ്ക്ക് രണ്ടിന്...
24 April 2024 8:12 AM GMTസുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTമുതല്മുടക്കും ലാഭവിഹിതവും നല്കിയില്ല; മഞ്ഞുമ്മല് ബോയ്സ്...
24 April 2024 6:35 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMT