ജിഎസ്ടി: പരസ്യത്തിനായി ചെലവാക്കിയത് 132.38 കോടി
BY kasim kzm4 Sep 2018 1:49 AM GMT
kasim kzm4 Sep 2018 1:49 AM GMT
ന്യൂഡല്ഹി: ചരക്കുസേവന നികുതിയുമായി (ജിഎസ്ടി) ബന്ധപ്പെട്ട് അച്ചടി മാധ്യമങ്ങള് പരസ്യങ്ങള്ക്കായി കേന്ദ്രസര്ക്കാര് 132.38 കോടി രൂപ ചെലവഴിച്ചതായി കേന്ദ്ര വാര്ത്താ വിനിമയ പ്രക്ഷേപണ മന്ത്രാലയം. വിവരാവകാശ അപേക്ഷയ്ക്കു നല്കിയ മറുപടിയിലാണ് മന്ത്രാലയം ഇക്കാര്യം വ്യക്തമാക്കിയത്. അച്ചടി മാധ്യമങ്ങളിലെ പരസ്യങ്ങള്ക്ക് മാത്രം 126.93 കോടി രൂപ ചെലവഴിച്ചു. വാതില്പ്പുറ പരസ്യങ്ങള്ക്കായി അഞ്ചുകോടിയിലധികം രൂപയും ചെലവഴിച്ചു. അതേസമയം, ഇലക്ട്രോണിക് മാധ്യമങ്ങളില് പരസ്യങ്ങള്ക്കായി പണം ചെലവഴിച്ചിട്ടില്ലെന്നും വിവരാവകാശ അപേക്ഷയ്ക്കുള്ള മറുപടിയില് പറയുന്നു. ജിഎസ്ടി പ്രചാരണ പരസ്യങ്ങള്ക്കായി ബോളിവുഡ് താരം അമിതാഭ് ബച്ചനെയാണ് സര്ക്കാര് ബ്രാന്ഡ് അംബാസഡറാക്കിയത്. കഴിഞ്ഞ വര്ഷം ജൂണ് ഒന്നിനാണ് രാജ്യത്ത് ജിഎസ്ടി നടപ്പാക്കിയത്. ജിഎസ്ടി നടപ്പാക്കുന്നതിനു മുമ്പു പുതിയ നികുതി സമ്പ്രദായത്തെ പരിചയപ്പെടുത്തുന്നതിനടക്കമുള്ള പരസ്യങ്ങളാണ് കേന്ദ്രസര്ക്കാര് തയ്യാറാക്കിയത്. പത്രങ്ങളില് മുഴുവന് പേജ് പരസ്യങ്ങളടക്കം പ്രസിദ്ധീകരിച്ചിരുന്നു.
Next Story
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMT