ചോദ്യംചെയ്യാതെ സ്വീകരിക്കാനുള്ളതല്ല ചരിത്രം: റൊമീല ഥാപര്
BY kasim kzm12 Feb 2018 2:22 AM GMT
kasim kzm12 Feb 2018 2:22 AM GMT
തിരുവനന്തപുരം: ചോദ്യംചെയ്യാതെ സ്വീകരിക്കാനുള്ളതല്ല ചരിത്രമെന്നു പ്രശസ്ത ചരിത്രകാരി റൊമീല ഥാപര്. ഉന്നത വിദ്യാഭ്യാസ കൗണ്സില് ആസ്ഥാനത്ത് 'ജ്ഞാനശാസ്ത്ര പരിണാമവും ഗവേഷണ രീതിശാസ്ത്രവും മാനവിക വിഷയങ്ങളില്' എന്ന വിഷയത്തില് നടന്ന ശില്പശാല ഉദ്ഘാടനം ചെയ്യുകയായിരുന്നു റൊമീല ഥാപര്. സംഭവങ്ങളുടെ വിവരണമല്ല ചരിത്രം. സംഭവങ്ങളുടെ ഉണ്ടാവലിലെ വ്യാഖ്യാനിക്കലാണ്. എന്തുകൊണ്ട് എങ്ങനെ എന്ന ചോദ്യങ്ങളിലൂടെ ഭൂതകാല സംഭവങ്ങളെ സമീപിക്കുകയും വിശദീകരിക്കുകയുമാണു ചരിത്രം ചെയ്യുന്നത്. ഈ വിശദീകരണങ്ങള് നിരന്തരം വിമര്ശനങ്ങളിലൂടെ നവീകരിക്കപ്പെടണം. ചരിത്രം മാത്രമല്ല, എല്ലാ അറിവുകളും ചോദ്യംചെയ്യപ്പെടണം. അങ്ങനെ മാത്രമേ അറിവിനു വളര്ച്ച പ്രാപിക്കാനാവൂ. ഇതിഹാസകഥകള് കൂട്ടിച്ചേര്ക്കലിനു വിധേയമായവയാണ്. ചരിത്രം അങ്ങനെയുള്ള കഥകളല്ല. രീതിശാസ്ത്രമനുസരിച്ചുള്ള നിയന്ത്രിതമായ വ്യാഖ്യാനമാണ്. അവ കെട്ടുകഥയല്ല. ശകുന്തളയുടെ കഥ ഉദാഹരിച്ച് ഇവര് പറഞ്ഞു. മഹാഭാരതം മുതലുള്ള പല കൃതികളിലൂടെ ആ കഥ മാറിമറിഞ്ഞു. കാളിദാസന്റെ ശകുന്തള തികച്ചും വ്യത്യസ്തയാണെന്നതും അതുപോലെ സോമനാഥ ക്ഷേത്രത്തെപ്പറ്റിയുള്ള കഥകളും 'പത്മാവതി'ലെ കഥയും വിമര്ശനപൂര്വം വിലയിരുത്തണമെന്നും അവര് പറഞ്ഞു. സംസ്ഥാനത്തെ കോളജുകളിലെ ഹ്യുമാനിറ്റീസ് അധ്യാപകര്ക്കായി നടത്തുന്ന ഒരാഴ്ചത്തെ ശില്പശാലയ്ക്കു കൗണ്സില് വൈസ് ചെയര്മാന് ഡോ. രാജന് ഗുരുക്കളാണു നേതൃത്വം നല്കുന്നത്. ശില്പശാല 17നു സമാപിക്കും.
Next Story
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMT