ഗാന്ധി വധം: പുനരന്വേഷണം വേണ്ടെന്ന് അമിക്കസ് ക്യൂറി
BY kasim kzm9 Jan 2018 3:36 AM GMT
kasim kzm9 Jan 2018 3:36 AM GMT
ന്യൂഡല്ഹി: രാഷ്ട്രപിതാവ് മഹാത്മാഗാന്ധിയെ കൊലപ്പെടുത്തിയ കേസില് പുനരന്വേഷണം നടത്തേണ്ടതില്ലെന്ന് സുപ്രിംകോടതി നിയോഗിച്ച അമിക്കസ് ക്യൂറിയുടെ റിപോര്ട്ട്. നാഥുറാം ഗോഡ്സെ അല്ലാതെ മറ്റൊരാളുടെ വെടിയേറ്റാണ് ഗാന്ധി കൊല്ലപ്പെട്ടതെന്നതിന് തെളിവില്ല. വിദേശ ഏജന്സികള്ക്ക് ഗാന്ധിവധത്തില് പങ്കുണ്ടെന്ന ആരോപണം അടിസ്ഥാനരഹിതമാണെന്നും അമിക്കസ് ക്യൂറി സുപ്രിംകോടതിയില് സമര്പ്പിച്ച റിപോര്ട്ടില് വ്യക്തമാക്കി. ഗാന്ധിവധത്തില് പുനരന്വേഷണം ആവശ്യപ്പെട്ട് അഭിനവ് ഭാരത് എന്ന സംഘപരിവാര സംഘടനയുടെ ട്രസ്റ്റി പങ്കജ് ഫഡ്നാവിസ് നല്കിയ പൊതുതാല്പര്യ ഹരജിയിലാണ് അമിക്കസ് ക്യൂറി അമരീന്ദര് സരണ് സുപ്രിംകോടതിയില് റിപോര്ട്ട് സമര്പ്പിച്ചത്. ഗാന്ധിവധത്തെ കുറിച്ച് അന്വേഷിക്കാന് പുതിയ കമ്മീഷനെ നിയമിക്കണമെന്നാണ് സംഘപരിവാര സംഘടനയുടെ ആവശ്യം. വധത്തില് ദുരൂഹതയുണ്ടെന്ന വാദം അമിക്കസ് ക്യൂറി അംഗീകരിച്ചില്ല. നാഥുറാം വിനായക് ഗോഡ്സെ അല്ലാതെ മറ്റൊരാളാണ് ഗാന്ധിജിയെ വെടിവച്ചതെന്ന സംഘപരിവാര പ്രവര്ത്തകന്റെ വാദവും അമിക്കസ് ക്യൂറി തള്ളിക്കളഞ്ഞു. ഗോഡ്സെയാണ് വെടിവച്ചതെന്ന കാര്യം വ്യക്തമായി തെളിഞ്ഞതാണെന്നും ഇക്കാര്യത്തില് കോടതി തീര്പ്പുകല്പ്പിച്ചതാണെന്നും അമിക്കസ് ക്യൂറി വ്യക്തമാക്കി. ഗോഡ്സെയുടേതല്ലാതെ നാലാമത്തെ വെടിയുണ്ടയാണ് ഗാന്ധി കൊല്ലപ്പെടാന് ഇടയാക്കിയതെന്ന ഹരജിക്കാരന്റെ സിദ്ധാന്തം നിലനില്ക്കില്ല. വിദേശ ഏജന്സിക്ക് വധത്തില് പങ്കുണ്ടെന്ന ആരോപണവും അടിസ്ഥാനരഹിതമാണ്. കേസില് പുതിയ തെളിവുകള് ഒന്നും ലഭ്യമല്ല. അതിനാല്, കേസില് പുനരന്വേഷണത്തിന്റെ ആവശ്യമില്ലെന്നും അമിക്കസ് ക്യൂറിയുടെ റിപോര്ട്ടില് വ്യക്തമാക്കുന്നു. കേസില് അടുത്ത വെള്ളിയാഴ്ച സുപ്രിംകോടതി വിധിപറയും.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT