കുട്ടികളെ തട്ടിക്കൊണ്ടുപോവുന്നെന്ന പ്രചാരണത്തില് ആശങ്ക വേണ്ട:മുഖ്യമന്ത്രി
BY kasim kzm4 Feb 2018 2:37 AM GMT
kasim kzm4 Feb 2018 2:37 AM GMT
തിരുവനന്തപുരം: കുട്ടികളെ തട്ടിക്കൊണ്ടുപോവാന് ഭിക്ഷാടനസംഘങ്ങള് സംസ്ഥാനത്ത് എത്തിയെന്ന നവമാധ്യമങ്ങളിലെ പ്രചാരണങ്ങളില് ആശങ്ക വേണ്ടെന്ന് മുഖ്യമന്ത്രി പിണറായി വിജയന്. ഇക്കാര്യത്തില് ജാഗ്രതപുലര്ത്താന് ഡിജിപിക്ക് നിര്ദേശം നല്കിയിട്ടുണ്ട്. ജനങ്ങളുടെ ആശങ്ക പൂര്ണമായും ദൂരീകരിക്കാന് പട്രോളിങ് ശക്തമാക്കാനും ഭിഷാടനസംഘങ്ങളെ നിരീക്ഷിക്കാനും പോലിസിനു നിര്ദേശം നല്കി. ജനമൈത്രി പോലിസ് സംവിധാനം ശക്തിപ്പെടുത്തി പ്രാദേശിക വിവരശേഖരണം കാര്യക്ഷമമാക്കാനും നിര്ദേശിച്ചിട്ടുണ്ടെന്ന് ഫേസ്ബുക്ക് പേജിലൂടെ മുഖ്യമന്ത്രി അറിയിച്ചു. സംശയകരമായ എന്തെങ്കിലും ശ്രദ്ധയില്പ്പെട്ടാല് ജനങ്ങള് പോലിസിനെ അറിയിക്കുകയാണു വേണ്ടത്. മറിച്ച് സംശയത്തിന്റെ പേരില് മാത്രം ഒരാളെ പിടികൂടി മര്ദിക്കുകയും അത് മൊബൈല് ഫോണുകളില് പകര്ത്തി സോഷ്യല് മീഡിയ വഴി പ്രചരിപ്പിക്കുകയും ചെയ്യുന്നത് പരിഷ്കൃതസമൂഹത്തിനു ചേര്ന്നതല്ല. കഴിഞ്ഞ ദിവസം മലപ്പുറം ജില്ലയിലും മറ്റും സംശയത്തിന്റെ പേരില് മാത്രം ഇത്തരം സംഭവങ്ങള് ഉണ്ടായി. തെറ്റായ പ്രവണതകളിലേക്ക് സമൂഹത്തെ നയിക്കാന് മാത്രമേ ഇത് ഉപകരിക്കൂ.സമൂഹത്തില് അരാജകത്വം സൃഷ്ടിക്കാന് ചിലര് ബോധപൂര്വം ഇത്തരം സാമൂഹികവിരുദ്ധ പ്രവര്ത്തനങ്ങളില് ഏ ര്പ്പെടുന്നുണ്ടോയെന്നും സംശയിക്കണം. പ്രാദേശിക ഭരണസംവിധാനങ്ങള്, റസിഡന്സ് അസോസിയേഷനുകള് തുടങ്ങിയവര് ഇക്കാര്യത്തില് ജാഗ്രതപുലര്ത്തണമെന്നും അദ്ദേഹം ആവശ്യപ്പെട്ടു.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT