കില്ലറാണ് ടെയ്ലര്, സൈലന്റ് കില്ലര്; ഇംഗ്ലീഷ് പടയെ തല്ലിപ്പറത്തി കിവീസിന് ജയം
BY vishnu vis7 March 2018 5:47 PM GMT
X
vishnu vis7 March 2018 5:47 PM GMT
ഡൂണ്ലിന്: റോസ് ടെയ്ലര് ബാറ്റിങ് വെടിക്കെട്ട് പുറത്തെടുത്ത മല്സരത്തില് ന്യൂസിലന്ഡിന് തകര്പ്പന് ജയം. ഇംഗ്ലണ്ടിനെതിരായ നാലാം ഏകദിനത്തില് അഞ്ച് വിക്കറ്റിനാണ് കിവീസിന്റെ ജയം. ജയത്തോടെ ന്യൂസിലന്ഡ് അഞ്ച് മല്സരങ്ങളടങ്ങുന്ന ഏകദിന പരമ്പരയില് നാലെണ്ണം പൂര്ത്തിയായപ്പോള് 2-2ന്റെ സമനിലയിലാക്കി. ടോസ് നേടിയ ന്യൂസിലന്ഡ് ഇംഗ്ലണ്ടിനെ ബാറ്റിങിനയക്കുകയായിരുന്നു. സന്ദര്ശകര് ജോണി ബെയര്സ്റ്റോവിന്റെയും(138) ജോ റൂട്ടിന്റെയും(102) സെഞ്ച്വറി മികവില് ഒമ്പത് വിക്കറ്റിന് 335 റണ്സിന്റെ കൂറ്റന് സ്കോര് ആതിഥേയര്ക്ക് മുന്നില്വച്ചപ്പോള് റോസ് ടെയ്ലറിന്റെ (181*) സെഞ്ച്വറി മികവില് കിവീസ് വിജയം കൈപിടിയിലൊതുക്കുകയായിരുന്നു. റോസ് ടെയ്ലറാണ് കളിയിലെ താരം. ആദ്യം ബാറ്റ് ചെയ്ത ഇംഗ്ലണ്ടിന് മികച്ച തുടക്കമാണ് ലഭിച്ചത.് ജേസന് റോയും(41 പന്തില് 42) ജോണി ബെയര്സ്റ്റോയും ചേര്ന്ന് ആദ്യ വിക്കറ്റില് 10.2 ഓവറില് 77 റണ്സെടുത്തു. പിന്നീട് ഒത്തുചേര്ന്ന ജോ റൂട്ടും ബെയര്സ്റ്റോയും ചേര്ന്ന് കിവീസ് ബൗളര്മാരെ വാഴാന് സമ്മതിക്കാതെ കശക്കിയെറിഞ്ഞപ്പോള് ഇംഗ്ലണ്ടിന്റെ അക്കൗണ്ടില് സെഞ്ച്വറിയും ഡബിള് സെഞ്ച്വറിയും കുറിച്ചു. ശേഷം സ്കോര്ബോര്ഡില് 267 റണ്സ് ചേര്ന്നപ്പോള് 104 പന്തില് 14 ഫോറും ഏഴ് സിക്സറും പറത്തിയ ജോണി ബെയര്സ്റ്റോവിനെ കോളിന് മണ്റോ സൗത്തിയുടെ കൈയിലെത്തിച്ച് കൂട്ടുകെട്ട് പൊളിച്ചു. അവസാന ഓവറില് ടോം കുറാന് (10 പന്തില് 22) കത്തിക്കയറിയതോടെ ഇംഗ്ലണ്ട് സ്കോര് 50 ഓവറില് ഒമ്പത് വിക്കറ്റില് 335 റണ്സില് അവസാനിച്ചു. രണ്ടാം ബാറ്റിങിനിറങ്ങിയ കിവീസ് നിരയില് ടോം ലാഥമും (71) കെയ്ന് വില്യാംസനും (45) റോസ് ടെയ്ലറിന് മികച്ച പിന്തുണ നല്കി. 147 പന്തില് 17 ഫോറും ആറ് സിക്സറും ഉള്പ്പെടെയാണ് ടെയ്ലര് പുറത്താവാതെ 181 റണ്സ് വാരിക്കൂട്ടിയത്.
Next Story
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT