കല്ല്യാണ വീഡിയോകളിലെ ചിത്രം മോര്‍ഫ് ചെയ്ത സംഭവം:രണ്ടുപേര്‍ പിടിയില്‍

വടകര:കല്ല്യാണ വീഡിയോകളിലെ സ്ത്രീകളുടെ ചിത്രങ്ങള്‍ മോര്‍ഫ് ചെയ്ത് അശ്ലീല സൈറ്റുകളിലിട്ട സംഭവത്തില്‍ സ്റ്റുഡിയോ ഉടമ അടക്കം രണ്ടുപേര്‍ പിടിയില്‍.വടകരയിലെ സദയം ഷൂട്ട് ആന്‍റ് എഡിറ്റ് ഉടമ ദിനേശന്‍, ഫോട്ടോഗ്രാഫര്‍ സതീശന്‍ എന്നിവരാണ് പിടിയിലായത്. ഇന്നലെ രാത്രിയോടെ തൊട്ടില്‍പാലത്തെ ഒരു ബന്ധുവിന്‍റെ വീട്ടില്‍ നിന്നാണ് ഇവര്‍ പിടിയിലായത്. കേസിലെ മുഖ്യപ്രതിയെന്ന് കരുതുന്ന ബിബീഷാണ് ഇനി പിടിയിലാകാനുള്ളത്. പിടിയിലായവര്‍ക്കെതിരെ ഐടി ആക്ട് പ്രകാരവും സ്ത്രീകളെ അപകീര്‍ത്തിപ്പെടുത്തിയതിനും ജാമ്യമില്ലാ കേസെടുത്തു.