എ കെ ശശീന്ദ്രനെ കുറ്റവിമുക്തനാക്കിയ വിധി റദ്ദാക്കണമെന്നാവശ്യം
BY kasim kzm1 Feb 2018 3:10 AM GMT
kasim kzm1 Feb 2018 3:10 AM GMT
കൊച്ചി: ഫോണ് കെണിക്കേസില് മുന് മന്ത്രി എ കെ ശശീന്ദ്രനെ കുറ്റവിമുക്തനാക്കിയ തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതിയുടെ വിധി റദ്ദാക്കണമെന്നാവശ്യപ്പെട്ട് ഹൈക്കോടതിയില് ഹരജി. ശശീന്ദ്രന് വീണ്ടും മന്ത്രിയായി സത്യപ്രതിജ്ഞ ചെയ്യേണ്ട ഇന്ന് തന്നെ കേസ് സിംഗിള് ബെഞ്ചിന്റെ പരിഗണനയ്ക്ക് വരും. ശശീന്ദ്രന് എതിരേ നല്കിയ കേസുമായി മുന്നോട്ട് പോവാന് താല്പര്യമില്ലെന്ന് പറഞ്ഞ് മാധ്യമ പ്രവര്ത്തക നല്കിയ മൊഴിയുടെ അടിസ്ഥാനത്തിലാണ് സിജെഎം കോടതി ശശീന്ദ്രനെ കുറ്റവിമുക്തനാക്കിയിരുന്നത്. കേസ് ഒത്തുതീര്പ്പാക്കരുതെന്ന് ആവശ്യപ്പെട്ട് തിരുവനന്തപുരം തൈക്കാട് സ്വദേശി മഹാലക്ഷ്മി സമര്പ്പിച്ച ഹരജി സിജെഎം കോടതി തള്ളിയിരുന്നു. ഈ വിധിക്കെതിരേ മഹാലക്ഷ്മി തന്നെയാണ് ഹൈക്കോടതിയെ സമീപിച്ചിരിക്കുന്നത്. ശശീന്ദ്രന് എതിരെ പരാതി നല്കിയെങ്കിലും പോലിസും അധികാരികളും നടപടി സ്വീകരിക്കാതിരുന്നതിനാലാണ് മാധ്യമപ്രവര്ത്തക കോടതിയില് പരാതി നല്കിയതെന്ന് മഹാലക്ഷ്മി ചൂണ്ടിക്കാട്ടുന്നു. മാധ്യമപ്രവര്ത്തകയുടെ ടെലിഫോണ് സംഭാഷണം വാര്ത്തയാക്കിയതിന് മറ്റു ചിലര്ക്കെതിരെയും ക്രിമിനല് കേസുള്ളതായി മഹാലക്ഷ്മി ചൂണ്ടിക്കാട്ടുന്നു. കേസും കൗണ്ടര് കേസുകളുമുണ്ട്. ഇത്തരമൊരു പശ്ചാത്തലത്തില് ഈ കേസുകളില് ഒന്നിനു പുറകെ ഒന്നായി വിചാരണ നടത്തുകയാണ് വേണ്ടത്. പക്ഷെ, സിജെഎം കോടതി മാധ്യമപ്രവര്ത്തകയുടെ കേസ് മാത്രം പരിഗണിച്ച് വിധി പുറപ്പെടുവിക്കുകയായിരുന്നു. മാധ്യമപ്രവര്ത്തക നല്കിയ പ്രത്യേക അപേക്ഷ പരിഗണിച്ചാണ് സിജെഎം കോടതി കേസ് തീര്പ്പാക്കിയത്. സ്ത്രീത്വത്തെ അപമാനിക്കുക എന്ന വകുപ്പുള്ള കേസുകള് ഒത്തുതീര്പ്പാക്കാന് കഴിയാത്തതും ജാമ്യം ലഭിക്കാത്തതുമാണ്. അതിനാലാണ് ഈ കേസില് താന് ഇടപെട്ടത്. പക്ഷെ, നിയമങ്ങളൊന്നും പാലിക്കാതെ മജിസ്ട്രേറ്റ് ഹരജി തള്ളി. അതിനാല്, മജിസ്ട്രേറ്റിന്റെ ഉത്തരവ് നിയമവിരുദ്ധമാണ്. പ്രോസിക്യൂഷന്റെ എല്ലാ തെളിവുകളും പരിശോധിക്കാതെയാണ് കേസ് തീര്പ്പാക്കിയിരിക്കുന്നത്. പരാതിക്കാരി ഹാജരായില്ലെങ്കില് പോലും ഇത്തരം കേസുകള് തീര്ക്കാനാവില്ല. സാക്ഷികളെ പോലും വിസ്തരിച്ചിരുന്നില്ലെന്നും മഹാലക്ഷ്മി ചൂണ്ടിക്കാട്ടുന്നു.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT