ഉത്തരേന്ത്യയില്‍ ഇന്ന് കൊടുങ്കാറ്റിന് സാധ്യത

ന്യൂഡല്‍ഹി: ഉത്തരേന്ത്യയിലെ മലയോര സംസ്ഥാനങ്ങളില്‍ ഇന്ന് ഇടിമിന്നലിന്റെ അകമ്പടിയോടെ കൊടുങ്കാറ്റ് ആഞ്ഞടിക്കാനിടയുണ്ടെന്ന് കാലാവസ്ഥാനിരീക്ഷണകേന്ദ്രം. അടുത്ത രണ്ടു ദിവസത്തിനകം രാജസ്ഥാനില്‍ പൊടിക്കാറ്റിനും സാധ്യതയുണ്ടെന്നും അറിയിച്ചു. രാജ്യത്തിന്റെ ഉത്തര-പശ്ചിമ ഭാഗങ്ങളില്‍ മണിക്കൂറില്‍ 50-70 കിലോമീറ്റര്‍ വേഗതയില്‍ കാറ്റു വീശും.  കേരളം, പഞ്ചാബ്, ഹരിയാന, ചണ്ഡീഗഡ്, ഡല്‍ഹി, വിദര്‍ഭ, ഛത്തീസ്ഗഡ്, ബിഹാര്‍, തെലങ്കാന, ആന്ധ്രപ്രദേശിലെ ഉത്തരതീരം, ദക്ഷിണ കര്‍ണാടക, തമിഴ്‌നാട്, പുതുച്ചേരി, ലക്ഷദ്വീപ്, എന്നിവിടങ്ങളിലും കാറ്റ് ആഞ്ഞടിക്കാന്‍ ഇടയുണ്ടെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.