ഇ-ഗേറ്റ് ഉപയോഗിക്കുന്നതിന് വിവരങ്ങള് അപ്ഡേറ്റ് ചെയ്യണമെന്ന് മന്ത്രാലയം
BY fousiya sidheek3 May 2017 3:33 AM GMT
fousiya sidheek3 May 2017 3:33 AM GMT
ദോഹ: പാസ്പോര്ട്ട് പുതുക്കിയ ഖത്തര് നിവാസികള് ഇ-ഗേറ്റ് ഉപയോഗിക്കുന്നതിന് ഹമദ് ഇന്റര്നാഷനല് എയര്പോര്ട്ട്, ജനറല് ഡയറക്ടറേറ്റ് ഓഫ് പാസ്പോര്ട്ട്സ്, സര്വീസ് സെന്ററുകള് എന്നിവയില് എവിടെ നിന്നെങ്കിലും തങ്ങളുടെ വിവരങ്ങള് അപ്ഡേറ്റ് ചെയ്യണമെന്ന് ആഭ്യന്തര മന്ത്രാലയം അറിയിച്ചു. സാധുവായ ഐഡി കാര്ഡുള്ള ആര്ക്കും ഹമദ് വിമാനത്താവളം വഴിയുള്ള പോക്കിനും വരവിനും ഇ-ഗേറ്റ് ഉപയോഗിക്കാവുന്നതാണെന്ന് മന്ത്രാലയം ട്വിറ്ററില് വ്യക്തമാക്കി. ഈ സേവനത്തിന് ചാര്ജ് നല്കേണ്ടതില്ല. ഇതുവഴി ഇമിഗ്രേഷന് കൗണ്ടറുകളിലെ തിരക്ക് കുറയ്ക്കാനും ധാരാളം സമയം ലാഭിക്കാനും സാധിക്കും. 18 വയസ്സിന് താഴെയുള്ള കുട്ടികളോടൊപ്പമുള്ള കുടുംബമാണെങ്കില് ഇ-ഗേറ്റ് ഉപയോഗിക്കാനാവില്ല. 18 വയസ്സിന് മുകളിലുള്ള എല്ലാ പ്രവാസികള്ക്കും ഐഡി കാര്ഡ് ഉപയോഗിച്ച് ഇ-ഗേറ്റ് പ്രയോജനപ്പെടുത്താം. ഇ-ഗേറ്റിലുള്ള കാര്ഡ് റീഡര് മെഷീനില് ഐഡി കാര്ഡ് സ്കാന് ചെയ്ത ശേഷം വിരലടയാളമോ കണ്ണിലെ കൃഷ്ണ മണിയോ സ്കാന് ചെയ്യണം. ഐഡിയിലെ വിവരങ്ങളും വിരല്/റെറ്റിന അടയാളവും മാച്ച് ചെയ്താല് ഇ-ഗേറ്റ് തുറക്കും. എല്ലാ ഖത്തര് നിവാസികളും ഡിപാര്ച്ചര് ഗേറ്റുകള്ക്കു സമീപത്തുള്ള ചെറിയ ഓഫിസില് നിന്ന് വിരലടയാളം സ്കാന് ചെയ്യണമെന്ന് മന്ത്രാലയം അഭ്യര്ഥിച്ചു. ഒന്നോ രണ്ടോ മിനിറ്റിനകം പൂര്ത്തിയാവുന്ന പ്രക്രിയയാണിത്. ഇതിന് ശേഷം വിരലടയാളം ഉപയോഗിച്ച് ഇ-ഗേറ്റ് വഴി അകത്തേക്കു കടക്കാനാവും. കണ്ണ് സ്കാന് ചെയ്യുന്നതിനേക്കാള് എളുപ്പമാണ് ഇതെന്ന് അധികൃതര് വ്യക്തമാക്കി.
Next Story
RELATED STORIES
കാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMTറിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMT