ഇന്ത്യ ഹിന്ദുക്കളുടേത്: വിവാദ പരാമര്ശവുമായി ബിജെപി എംഎല്എ
BY kasim kzm4 Jan 2018 3:13 AM GMT
kasim kzm4 Jan 2018 3:13 AM GMT
മുസഫര്നഗര്: മുസ്ലിംവിരുദ്ധ പരാമര്ശവുമായി വീണ്ടും ബിജെപി എംഎല്എ വിക്രം സൈനി. ഇന്ത്യ ഹിന്ദുക്കളുടേതാണെന്നും അതിനാലാണ് ഹിന്ദുസ്ഥാന് എന്ന പേരിലറിയപ്പെടുന്നതെന്നുമായിരുന്നു കട്ടൗലി എംഎല്എ ആയ സൈനിയുടെ പ്രസ്താവന. ഇക്കഴിഞ്ഞ തിങ്കളാഴ്ചയാണ് സൈനി മുസ്ലിംകള്ക്കെതിരായ പരാമര്ശം നടത്തിയത്. ഉത്തരവാദിത്തമില്ലാത്ത ചില നേതാക്കളാണ് വിഭജനത്തിനു ശേഷം മുസ്ലിംകളെ ഇന്ത്യയില് താമസിക്കാന് അനുവദിച്ചത്. ഇത്തരം നേതാക്കളുടെ നിരുത്തരവാദപരമായ നടപടിമൂലം രാജ്യത്തെ ഹിന്ദുക്കള് ഇന്നും പ്രശ്നങ്ങള് നേരിടുകയാണ്. അന്ന് ഇതിനനുവദിച്ചിരുന്നില്ലെങ്കില് കോടിക്കണക്കിനുള്ള ഈ സ്വത്തുക്കളുടെയെല്ലാം ഉടമ ഹിന്ദുക്കളായേനെയെന്നും എംഎല്എ പറഞ്ഞു. എന്നാല്, തന്റെ പ്രസ്താവനയെ ന്യായീകരിച്ച് എംഎല്എ ഇന്നലെ രംഗത്തെത്തി. പ്രസ്താവന മുസ്ലിംകള്ക്കെതിരേ അല്ലെന്നും കുല്ഭൂഷണ് ജാദവിന്റെ കുടുംബത്തോട് പാകിസ്താന് കാണിച്ച നീതികേടിനെതിരേയായിരുന്നുവെന്നും എംഎല്എ പറഞ്ഞു. 2013ലെ മുസഫര്നഗര് കലാപക്കേസിലെ പ്രതിയും ദേശീയ സുരക്ഷാ നിയമപ്രകാരം തടവിലാക്കപ്പെടുകയും ചെയ്ത സൈനി, ഗോവധം നടത്തുന്നവരുടെ കൈകാലുകള് തല്ലിയൊടിക്കണമെന്നതടക്കമുള്ള വിവാദ പരാമര്ശങ്ങളും നേരത്തേ നടത്തിയിരുന്നു.
Next Story
RELATED STORIES
പ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMT