അവകാശ നിഷേധം; ഗുഗിളിന് 500 കോടി ഡോളര് പിഴ
BY afsal ph aph18 July 2018 12:03 PM GMT
X
afsal ph aph18 July 2018 12:03 PM GMT
മറ്റു കമ്പനികളുടെ അവകാശം നിഷേധിച്ചതിന് ഗൂഗിളിന് വന് പിഴയുമായി യൂറോപ്യന് യൂനിയന്. യൂറോപ്യന് യൂണിയന്റെ കോംപന്റീഷന് കമ്മീഷനാണ് ഗൂഗിളിന് 500 കോടി അമേരിക്കന് ഡോളറിന്റെ പിഴ ഇട്ടിരിക്കുന്നത്. കമ്പനികള് തമ്മിലുള്ള ആരോഗ്യകരമായ മത്സരം സംരക്ഷിക്കാനുള്ള സമിതിയാണ് കോംപറ്റീഷന് കമ്മീഷന്. ആന്ഡ്രോയിഡ് ഓപ്പറേറ്റിംഗ് സിസ്റ്റം ഉപയോഗിക്കുന്ന ഫോണുകളില് ഗൂഗിള് സെര്ച്ചും മാപ്പും ക്രോം ബ്രൗസറും അടക്കമുള്ള ഫീച്ചറുകള് ഡിഫോള്ട്ടായി സെറ്റ് ചെയ്യാന് നിര്മ്മാതാക്കളെ നിര്ബന്ധിച്ചുവെന്ന് കണ്ടെത്തിയതിനെ തുടര്ന്നാണ് പിഴ.
ഇങ്ങനെ ചെയ്യുന്നതിലൂടെ മറ്റ് കമ്പനികളുടെ മത്സരത്തിനുള്ള അവകാശം ഗൂഗിള് നിഷേധിച്ചുവെന്ന് കമ്മീഷന് വിലയിരുത്തി. ടെക് ഭീമനായ ഗൂഗില് നേരിടുന്ന ഏറ്റവും വലിയ പിഴയാണ് ഇത്. 2015 ഒക്ടോബറില് ആരംഭിച്ച അന്വേഷണത്തിലെ കണ്ടെത്തിലിന്റെ അടിസ്ഥാനത്തിലാണ് വിധി. വിധിക്കെതിരെ അപ്പീല് പോകുമെന്ന് ഗൂഗിള് അറിയിച്ചിട്ടുണ്ട്.
ലോകത്ത് ഏറ്റവും കൂടുതല് ഉപഭോക്താക്കള് ഉപയോഗിക്കുന്ന മൊബൈല് ഓപ്പറേറ്റിംഗ് സിസ്റ്റമാണ് ആന്ഡ്രോയിഡ്. ആപ്പിളൊഴികെയുള്ള മറ്റ് പ്രമുഖ മൊബൈല് നി!ര്മ്മാതാക്കളെല്ലാം ആന്ഡ്രോയിഡ് ഓപ്പറേറ്റിംഗ് സിസ്റ്റം പ്രീ ഇന്സ്റ്റാള് ചെയ്താണ് ഫോണുകള് പുറത്തിറക്കുന്നത്. സൗജന്യമായി നല്കുന്ന ഈ ഓപ്പറേറ്റിംഗ് സിസ്റ്റത്തിന് പകരം ഗൂഗിളിന്റെ ആപ്പ് പാക്കേജ് നിര്ബന്ധമായി ഉള്പ്പെടുത്താന് നിര്ദ്ദേശിക്കുകയായിരുന്നു രീതി. ഇതിലൂടെ ഗൂഗിള് സേവനങ്ങള് തന്നെ തെരഞ്ഞെടുക്കാന് ഉപഭോക്താക്കള് നിര്ബന്ധിതരാകുകയായിരുന്നു.
Next Story
RELATED STORIES
'ആകാശത്തിലെ രാജ്ഞിക്ക്' വിട; എയർ ഇന്ത്യയുടെ അഭിമാനമായിരുന്ന ജംബോ...
24 April 2024 11:49 AM GMTനെല്ലിയമ്പം ഇരട്ടക്കൊല: പ്രതി അർജുൻ കുറ്റക്കാരനെന്ന് കോടതി; ശിക്ഷാവിധി ...
24 April 2024 11:44 AM GMTപ്രായപൂര്ത്തിയാകാത്ത വിദ്യാര്ഥിനിയെ പീഡിപ്പിച്ച സംഭവം; പ്രതി...
24 April 2024 11:43 AM GMTവീണ്ടും ഓൺലൈൻ തട്ടിപ്പ്; വളപട്ടണം സ്വദേശിയുടെ 37,000 രൂപ ...
24 April 2024 11:40 AM GMTഇറാനുമായി ഏതെങ്കിലും രീതിയിലുള്ള വ്യാപാരബന്ധത്തിലേര്പ്പെടുന്നവര്...
24 April 2024 11:38 AM GMTപാലക്കാട്ട് ഉഷ്ണതരംഗ മുന്നറിയിപ്പ്; 12 ജില്ലകളില് യെല്ലോ അലര്ട്ട്
24 April 2024 10:50 AM GMT