അമിത് ഷായുടെ ശ്രമം കോര്പറേറ്റ് പണം കേരളത്തില് ഒഴുക്കല് : കോടിയേരി
BY fousiya sidheek4 Jun 2017 4:49 AM GMT
fousiya sidheek4 Jun 2017 4:49 AM GMT
തിരുവനന്തപുരം: ബിജെപി ദേശീയ അധ്യക്ഷന് അമിത് ഷായുടെ ശ്രമം കോര്പറേറ്റുകളില് നിന്നു പിരിക്കുന്ന പണം കേരളത്തില് ഒഴുക്കി എന്ഡിഎക്ക് അടിത്തറ പാവലാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. അമിത് ഷായുടെ ഈ മോഹം കേരളത്തില് വിലപ്പോവില്ലെന്നും കോടിയേരി ഫേസ്ബുക്ക് പോസ്റ്റിലൂടെ പറഞ്ഞു. കഴിഞ്ഞ നിയമസഭാ തിരഞ്ഞെടുപ്പ് വേളയില് കേരളത്തില് വന്ന് എഴുപതിലധികം സീറ്റുകള് നേടി കേരളം പിടിക്കുമെന്ന് പറഞ്ഞ് പോയ ആളാണ്. ഇപ്പോള് ഇവിടെ വന്നിരിക്കുന്നത് വരുന്ന പാര്ലമെന്റ് തിരഞ്ഞെടുപ്പില് കേരളം പിടിക്കുമെന്ന് പറയാനാണെന്നും കോടിയേരി പരിഹസിച്ചു. കോര്പറേറ്റുകളില് നിന്നും ശേഖരിച്ച 1200 കോടി രൂപ, കേരളത്തില് ഒഴുക്കി സംഘപരിവാരത്തിന് അടിത്തറ കെട്ടാനാണ് അമിത് ഷായുടെ ശ്രമം. ബിജെപിയുടെ ഇത്തരം നീക്കങ്ങളെ കോണ്ഗ്രസ് കണ്ടില്ലെന്ന് നടിക്കുകയാണെന്നും കോടിയേരി കുറ്റപ്പെടുത്തി. ന്യൂനപക്ഷ വിഭാഗങ്ങളെ എന്ഡിഎയുടെ ഭാഗമാക്കാനായി വരുന്ന അമിത് ഷായുടെ കൈയിലുള്ള കേന്ദ്രത്തിന്റെ പുതിയ വിജ്ഞാപനം രാജ്യത്ത് സൃഷ്ടിച്ച പ്രതിസന്ധി വിവരണാതീതമാണ്. ഇതിനെ മറികടക്കാന് കോര്പറേറ്റുകളില് നിന്ന് പണം വ്യാപകമായി പിരിക്കുകയാണ്. കോര്പറേറ്റുകളില് നിന്നും ശേഖരിച്ച 1200 കോടി രൂപ കേരളത്തില് ഒഴുക്കാനാണ് ശ്രമം. കേന്ദ്ര സര്ക്കാരിന്റെ പുതിയ വിജ്ഞാപനം ജനങ്ങളോടും ഭരണഘടനയോടുമുള്ള വെല്ലുവിളി ആയതുകൊണ്ട് കേരളത്തിലെ എല്ഡിഎഫ് സര്ക്കാര് പ്രത്യേക നിയമസഭാ സമ്മേളനം വിളിച്ചുകൂട്ടുകയാണ്. എന്തുകൊണ്ട് കോണ്ഗ്രസ് ഭരിക്കുന്ന സംസ്ഥാനങ്ങള് ഈ സമീപനം സ്വീകരിക്കുന്നില്ലെന്ന കാര്യത്തില് ജനങ്ങള് മറുപടി ആഗ്രഹിക്കുന്നുണ്ടെന്നും കോടിയേരി ഫേസ്ബുക്ക് പോസ്റ്റിലൂടെ വ്യക്തമാക്കി.
Next Story
RELATED STORIES
വിവിപാറ്റ്; കൂടുതല് വ്യക്തത തേടി സുപ്രിംകോടതി; ഉച്ചയ്ക്ക് രണ്ടിന്...
24 April 2024 8:12 AM GMTസുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTമുതല്മുടക്കും ലാഭവിഹിതവും നല്കിയില്ല; മഞ്ഞുമ്മല് ബോയ്സ്...
24 April 2024 6:35 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMTഇറാനെ വീണ്ടും ആക്രമിച്ചാല് ഇസ്രായേലിനെ പൂര്ണമായും തുടച്ച് നീക്കും;...
24 April 2024 6:04 AM GMT