അക്രമത്തെ അതിജീവിച്ചയാളെ സംശയത്തോടെ നോക്കുന്നത് മാപ്പര്ഹിക്കുന്നില്ല;നടിക്ക് പിന്തുണയുമായി സിനിമയിലെ സ്ത്രീകൂട്ടായ്മ
BY fousiya sidheek27 Jun 2017 8:55 AM GMT
X
fousiya sidheek27 Jun 2017 8:55 AM GMT
കൊച്ചി: കൊച്ചിയില് ഓടുന്ന വാഹനത്തില് ആക്രമണത്തിനിരയായ നടിക്ക് പിന്തുണയുമായി സിനിമയിലെ സ്ത്രീകൂട്ടായ്മയായ വിമന് ഇന് സിനിമ കളക്ടീവ് രംഗത്ത്. അതിക്രമത്തിനെ അതിജീവിച്ച ആളെ അപമാനിക്കുകയും തരം താഴ്ത്തുകയും ചെയ്യുന്ന തരത്തില് ഉണ്ടായ അഭിപ്രായ പ്രകടനങ്ങള് നിയമവിരുദ്ധവും അങ്ങേയറ്റം അപലപനീയവുമാണെന്ന് സംഘടനാ പ്രവര്ത്തകര് പറഞ്ഞു. ഫെയ്സ്ബുക്ക് പോസ്റ്റിലൂടെയാണ് സംഘടനയുടെ പ്രതികരണം. അതിക്രമത്തെ അതിജീവിച്ച വ്യക്തിയെ സംശയമുനയില് നിര്ത്തുന്നത് മാപ്പ് അര്ഹിക്കുന്ന പ്രവര്ത്തിയല്ല. ഇത്തരത്തില് സ്ത്രീകളെ അപമാനിക്കുന്ന തരത്തിലുള്ള എല്ലാ തരം പ്രസ്താവനകളെയും പ്രവൃത്തികളെയും വുമണ് ഇന് സിനിമാ കലക്ടീവ് അപലപിക്കുന്നതായും ഫെയ്സ്ബുക്ക് പോസ്റ്റില് പറഞ്ഞു.
നടിക്കെതിരെ വിവാദ പ്രസ്താവനയുമായി നടന് ദിലീപ് രംഗത്തെത്തിയിരുന്നു. നടിയെ നുണപരിശോധനക്ക് വിധേയയാക്കണമെന്ന് സലീം കുമാര് പറഞ്ഞിരുന്നു. നടിയുടെ പേര് വെളിപ്പെടുത്തി അജുവര്ഗീസ് ഫെയ്സ്ബുക്ക് പോസ്റ്റിട്ടതും വിവാദമായിരുന്നു. തുടര്ന്ന് ഇരുവരും ഖേദം പ്രകടിപ്പിച്ച് രംഗത്തെത്തി.
ഫെയ്സ്ബുക്ക് പോസ്റ്റിന്റെ പൂര്ണരൂപം:
ഞങ്ങളുടെ സഹപ്രവര്ത്തകക്ക് നേരെയുണ്ടായ അതിക്രമവുമായി ബന്ധപ്പെട്ട കേസ് കോടതി നടപടികളുടെ പ്രാഥമിക ഘട്ടത്തിലാണുള്ളത്.ഈ സന്ദര്ഭത്തില് അതിക്രമത്തിനെ അതിജീവിച്ച ആളെ അപമാനിക്കുകയും തരം താഴ്ത്തുകയും ചെയ്യുന്ന തരത്തില് ഉണ്ടായ അഭിപ്രായ പ്രകടനങ്ങള് നിയമവിരുദ്ധവും അങ്ങേയറ്റം അപലപനീയവുമാണ്.2013ലെ വര്മ്മ കമ്മിറ്റി റിപ്പോര്ട്ട് ഇന്ത്യന് പാര്ലമെന്റ് അംഗീകരിച്ചതിനു ശേഷം ലൈംഗികാതിക്രമത്തിന് ഇരയാകുന്നവരെ പരസ്യമായി അധിക്ഷേപിക്കുന്നതോ അവരുടെ പേര് വെളിപ്പെടുത്തുന്നതോ അവരെ തരം താഴ്ത്തി സംസാരിക്കുന്നതോ അവര്ക്ക് നേരെയുണ്ടായ അതികമത്തെ റദ്ദാക്കുന്ന തരത്തില് സംസാരിക്കുന്നതോ ലഘുവായതോ അവഗണിക്കാവുന്നതോ ആയ പ്രവൃത്തിയല്ല. കോടതിയുടെ പരിഗണനയിലുള്ള കേസിലെ വാദിയായ വ്യക്തിയെ അപമാനിക്കുന്നതും അധിക്ഷേപിക്കുന്നതും ഇന്ത്യന് നിയമ വ്യവസ്ഥയോടും ഭരണഘടനയോടുമുള്ള വെല്ലുവിളിയാണ്. അതിക്രമത്തെ അതിജീവിച്ച വ്യക്തിയെ സംശയമുനയില് നിര്ത്തുന്നത് മാപ്പ് അര്ഹിക്കുന്ന പ്രവര്ത്തിയുമല്ല. ഇത്തരത്തില് സ്ത്രീകളെ അപമാനിക്കുന്ന തരത്തിലുള്ള എല്ലാ തരം പ്രസ്താവനകളെയും പ്രവൃത്തികളെയും വുമണ് ഇന് സിനിമാ കലക്ടീവ് അപലപിക്കുന്നു. ഇത് നിയമവിരുദ്ധവും ഭരണഘടന ഉറപ്പു വരുത്തുന്ന മനുഷ്യാവകാശങ്ങളുടെ ലംഘനവുമാണെന്നിരിക്കെ പൊതുജനം പ്രത്യേകിച്ച് ചലച്ചിത്ര പ്രവര്ത്തകര് ഇത്തരത്തിലുള്ള അഭിപ്രായ പ്രകടനങ്ങള് നടത്തുന്നതില് നിന്ന് ദയവായി വിട്ടു നില്ക്കണമെന്ന് ആവശ്യപ്പെടുന്നു.
Next Story
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT