ഉമ്മന്ചാണ്ടിയ്ക്കും വേണുഗോപാലിനുമെതിരായ ലൈംഗികപീഡനപരാതി; അന്വേഷണത്തിന് ക്രൈംബ്രാഞ്ചിന്റെ പുതിയ സംഘം
BY afsal ph aph21 Oct 2018 5:25 AM GMT
X
afsal ph aph21 Oct 2018 5:25 AM GMT
തിരുവനന്തപുരം: മുന്മുഖ്യമന്ത്രി ഉമ്മന്ചാണ്ടി, എഐസിസി ജനറല് സെക്രട്ടറി കെ സി വേണുഗോപാല് എംപി എന്നിവര്ക്കെതിരായ സരിത നായരുടെ ലൈംഗികപീഡനപരാതി പുതിയ വഴിത്തിരിവിലേക്ക്. അന്വേഷിക്കാന് എസ്.പി അബ്ദുല് കരിമീന്റെ നേതൃത്വത്തിലുള്ള െ്രെകംബ്രാഞ്ചിന്റെ പുതിയ അന്വേഷണ സംഘത്തെ നിയോഗിച്ചു. ഉമ്മന്ചാണ്ടിക്കെതിരെ പ്രകൃതിവിരുദ്ധ പീഡനം ഉള്പ്പടെയുള്ള കുറ്റത്തിനും കെ.സി വേണുഗോപാലിനെതിരെ ബലാത്സംഗത്തിനുമാണ് കേസെടുത്തിരിക്കുന്നത്.
നിലവിലെ പ്രത്യേക അന്വേഷണ സംഘത്തിന് കീഴിലാണ് പുതിയ അന്വേഷണ സംഘം. െ്രെകംബ്രാഞ്ച് ഡി.വൈ.എസ്.പിമാരും സംഘത്തിലുണ്ട്. ഇന്നലെയാണ് ഇരുവര്ക്കുമെതിരേ കേസ് രജിസ്റ്റര് ചെയ്തത്. സോളാര് അന്വേഷണ കമ്മീഷനായ ശിവരാജ് കമ്മീഷന് റിപ്പോര്ട്ടില് ഇക്കാര്യങ്ങള് പരാമര്ശിച്ചിരുന്നെങ്കിലും കേസ് രജിസ്റ്റര് ചെയ്തിരുന്നില്ല.
ഓരോരുത്തര്ക്കും എതിരേ പ്രത്യേകം പ്രത്യേകം പരാതി നല്കുകയാണെങ്കില് കേസ് രജിസ്റ്റര് ചെയ്യുമെന്ന് സരിതയ്ക്ക് നിയമോപദേശം ലഭിച്ചിരുന്നു.
സോളാര് കേസുമായി ബന്ധപ്പെട്ട ജുഡിഷ്യല് അന്വേഷണ കമീഷന് റിപ്പോര്ട്ടില് ഉമ്മന്ചാണ്ടി, കെ സി വേണുഗോപാല്, മുന്മന്ത്രിമാര്, എംഎല്എമാര് തുടങ്ങിയവര് സരിത എസ് നായരെ പീഡിപ്പിച്ചതായി പറഞ്ഞിരുന്നു. ഇതേത്തുടര്ന്ന് കേസ് അന്വേഷിക്കാന് ഉത്തര മേഖലാ എ.ഡി.ജി.പിയുടെ നേതൃത്വത്തില് പ്രത്യേക അന്വേഷണ സംഘത്തെ ചുമതലപ്പെടുത്തിയിരുന്നു. ഈ അന്വേഷണ സംഘത്തിന് സരിത എസ് നായര് കഴിഞ്ഞ ദിവസം പ്രത്യേകം പരാതി നല്കിയിരുന്നു.
Next Story
RELATED STORIES
ലോറിയില്നിന്ന് കരിങ്കല്ല് തെറിച്ചുവീണ് സ്കൂട്ടര് യാത്രികന് മരിച്ചു
19 March 2024 8:43 AM GMTസംസ്ഥാനത്ത് ചൂട് തുടരുന്നു; ഒമ്പത് ജില്ലകളില് മുന്നറിയിപ്പ്
27 Feb 2024 5:20 AM GMTകര്ഷക സമരം നേരിടാന് ബാരിക്കേഡുകള്, ഇന്റര്നെറ്റ് വിലക്ക്;...
24 Feb 2024 2:58 PM GMTഅല് നാസര് ആശുപത്രി ചികില്സാ കേന്ദ്രമല്ല, മരണ കേദാരം: യുഎന്
22 Feb 2024 5:03 AM GMTവിദ്യാര്ഥികളെ ജയ് ശ്രീറാം വിളിപ്പിച്ചു, സ്കൂള് അധികൃതരെ...
15 Feb 2024 12:58 PM GMTബുള്ഡോസര് അരാജകത്വം അവസാനിപ്പിക്കണം: എസ്ഡിപിഐ
10 Feb 2024 11:23 AM GMT