|    Oct 20 Sat, 2018 8:09 am
FLASH NEWS
Home   >  News now   >  

ഹൈദരാബാദ് ഓപണ്‍ കിരീടം സമീര്‍ വര്‍മയ്ക്ക്

Published : 11th September 2018 | Posted By: jaleel mv


ഹൈദരാബാദ്: ഇന്ത്യയുടെ ലോക 21ാം നമ്പര്‍ ബാഡ്മിന്റണ്‍ താരം സമീര്‍ മര്‍മയ്ക്ക് ഹൈദരാബാദ് ഓപണ്‍ ബാഡ്മിന്റണ്‍ കിരീടം. ഫൈനലില്‍ മലേസ്യയുടെ സൂങ് ജോയെയാണ് ടൂര്‍ണമെന്റിലെ ടോപ് സീഡായ ഇന്ത്യന്‍ താരം പരാജയപ്പെടുത്തിയത്. സ്‌കോര്‍ 21-15,21-18. കൂടാതെ, പുരുഷ ഡബിള്‍സില്‍ സാത്വിക് സായ് രാജ് റാങ്കിറെഡ്ഡി-ചിരാഗ് ഷെട്ടി സഖ്യവും കിരീടം ചൂടി.
മൂന്നാം സീഡായ അക്ബര്‍ ബിന്റാങ് കഹ്യോനോ-മൊഹ് റേസ പഹ്ലവി ഇസ്ഫഹാനി എന്നിവരടങ്ങിയ ഇന്തോനീസ്യന്‍ ജോടിയെയാണ് ഇവര്‍ പരാജയപ്പെടുത്തിയത്. സ്‌കോര്‍ 21-16,21-14.
അതേസമയം, മിക്‌സഡ് ഡബിള്‍സിലെ ഫൈനലില്‍ ഇന്ത്യന്‍ ജോടിക്ക് പരാജയം നേരിടേണ്ടി വന്നു. ഈ ഇനത്തിലെ ഒന്നാം സീഡായ പ്രണവ് ചോപ്ര-സിക്കി റെഡ്ഡി സഖ്യം മലേസ്യയുടെ അക്ബര്‍ ബിന്റാങ് കഹ്യോനോ-വിന്നി ഒക്ടാവിന കന്റോ എന്നിവരടങ്ങിയ ജോടിയോട് പൊരുതിത്തോല്‍ക്കുകയായിരുന്നു. സ്‌കോര്‍ 21-15, 19-21, 23-25.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss