|    Nov 19 Mon, 2018 2:17 am
FLASH NEWS
Home   >  Kerala   >  

ശമ്പള വിതരണം: ട്രഷറികളില്‍ ക്രമീകരണം; രാത്രി ഒമ്പത് വരേ പ്രവര്‍ത്തിക്കും

Published : 2nd November 2018 | Posted By: afsal ph

തിരുവനന്തപുരം: സുപ്രീംകോടതി ഉത്തരവിന്റെ അടിസ്ഥാനത്തില്‍ സാലറി ചലഞ്ചില്‍ വരുത്തിയ ഭേദഗതി പാലിച്ച് ഒക്‌ടോബറിലെ ശമ്പള വിതരണം സമയബന്ധിതമായി പൂര്‍ത്തിയാക്കുന്നതിന് ട്രഷറികളില്‍ ആവശ്യമായ ക്രമീകരണം ഏര്‍പ്പെടുത്തി. സംസ്ഥാനത്തെ ട്രഷറികള്‍ ഇന്നും നാളെയും രാത്രി 9 മണി വരെ പ്രവര്‍ത്തിക്കും. ബില്ലുകള്‍ തയ്യാറാക്കാനും ട്രഷറികളില്‍ സമര്‍പ്പിക്കുന്നതിനും ഡി.ഡി.ഒ മാര്‍ക്ക് ആവശ്യമായ സഹായം നല്‍കുന്നതിന് ജില്ലാ ട്രഷറി തലത്തില്‍ ഹെല്‍പ്പ് ഡെസ്‌കുകള്‍ പ്രവര്‍ത്തിക്കും. വകുപ്പ് തലവന്‍മാരുമായും ഡി.ഡി.ഒ മാരുമായും ബന്ധപ്പെട്ട് ശമ്പള വിതരണ പ്രവര്‍ത്തനങ്ങള്‍ ഏകോപിപ്പിക്കുന്നതിനും സമയബന്ധിതമായി വിതരണം ഉറപ്പുവരുത്തുന്നതിനും ട്രഷറി ഡയറക്ടറേറ്റില്‍ നോഡല്‍ ഓഫീസറെ ചുമതലപ്പെടുത്തി. ഇവര്‍ പ്രവര്‍ത്തനങ്ങള്‍ ഏകോപിപ്പിക്കും. ബില്ലുകള്‍ ഭേദഗതികള്‍ അനുസരിച്ച് തിരുത്തല്‍ വരുത്തി സമര്‍പ്പിക്കാന്‍ സ്പാര്‍ക് സോഫ്റ്റ് വെയറില്‍ പ്രത്യേക സജ്ജീകരണങ്ങള്‍ ഏര്‍പ്പെടുത്തിയിട്ടുണ്ട്. ശമ്പള വിതരണം സമയബന്ധിതമായി പൂര്‍ത്തിയാക്കുമെന്ന് ട്രഷറി ഡയറക്ടര്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss