|    Oct 21 Sun, 2018 4:46 am
FLASH NEWS
Home   >  Kerala   >  

രൂപേഷിനെതിരെയുള്ള കേസുകള്‍; പൊലിസ് കുറ്റപത്രം സമര്‍പ്പിച്ചു

Published : 26th September 2018 | Posted By: G.A.G

നാദാപുരം: റിമാന്റില്‍ കഴിയുന്ന മാവോയിസ്റ്റ് നേതാവ് രൂപേഷിനെതിരെ വളയം, കുറ്റിയാടി പൊലിസ് സ്റ്റേഷനുകളില്‍ ചാര്‍ജ് ചെയ്ത കേസുകളില്‍ നാദാപുരം സബ് ഡിവിഷണല്‍ ഡിവൈഎസ്പി കുറ്റപത്രം സമര്‍പ്പിച്ചു. 2013 നവംബര്‍ ഒന്നിന് കുറ്റിയാടി പൊലിസ് സ്റ്റേഷന്‍ പരിധിയിലെ വിലങ്ങാട് വായാട് ആദിവാസി കോളനിയില്‍ എത്തി കോളനി വാസികളെ ഭീഷണിപ്പെടുത്തുകയും ദേശ വിരുദ്ധ ലഖുലേഖകള്‍ വിതരണം ചെയ്തു എന്ന കേസിലും 2014 ജനുവരി ഒന്നിന് വളയം പൊലിസ് സ്റ്റേഷന്‍ പരിധിയിലെ വലിയ പാനോത്തെ വീടുകളില്‍ വീടുകളില്‍ എത്തി ലഖുലേഖകള്‍ വിതരണം ചെയ്തു എന്ന വളയം പൊലിസ് ചാര്‍ജ് ചെയ്ത കേസിലും 2014 ജനവരി നാലിന് കുറ്റിയാടി പൊലിസ് സ്റ്റേഷന്‍ പരിധിയിലെ പന്നിയേറി കോളനിയില്‍ എത്തി ദേശവിരുദ്ധ ലഖു ലേഖകള്‍ വിതരണം ചെയ്തുവെന്ന കേസിലും യുഎപിഎ വകുപ്പ് പ്രകാരമാണ് പോലിസ് കേസുകള്‍ ചാര്‍ജ് ചെയ്തിട്ടുള്ളത്. മൂന്നു കേസുകളിലും ഡിവൈഎസ്പി ഇ സുനില്‍ കുമാറാണ് കോഴിക്കോട് ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ കുറ്റപത്രം സമര്‍പ്പിച്ചത്. ഈ കേസുകളില്‍ രൂപേഷിന് ഒപ്പമുണ്ടായിരുന്ന മറ്റു നാലു പേര്‍ക്കെതിരെയും കേസുണ്ട്. ഇവരെ പിടികൂടാന്‍ പൊലിസിന് ഇതുവരെ കഴിഞ്ഞിട്ടില്ല. രൂപേഷിനെ മൂന്ന് വര്‍ഷം മുമ്പ് തമിഴ്‌നാട് ക്യൂബ്രാഞ്ചാണ് പിടികൂടിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss