|    Nov 16 Fri, 2018 1:27 pm
FLASH NEWS
Home   >  Kerala   >  

നോക്കു കുത്തിയായി പോലിസ്, സ്ത്രീ പ്രവേശനത്തെ വിലക്കിയ ബോര്‍ഡ് പ്രതിഷേധക്കാര്‍ പുനസ്ഥാപിച്ചു

Published : 17th October 2018 | Posted By: G.A.G

പത്തനംതിട്ട: ശബരിമലയില്‍ സ്ത്രീ പ്രവേശനത്തെ വിലക്കിക്കൊണ്ട് നിലയ്ക്കലില്‍ സ്ഥാപിച്ച ബോര്‍ഡ് പ്രതിഷേധക്കാര്‍ പുനസ്ഥാപിച്ചു. സുപ്രീംകോടതിവിധിയുടെ പശ്ചാത്തലത്തില്‍ സ്ത്രീ പ്രവേശനത്തിന് വിലക്ക് എന്ന് എഴുതിയ ബോര്‍ഡ് സര്‍ക്കാര്‍ മറച്ചിരുന്നു. ഇത് നീക്കം ചെയ്താണ് പ്രതിഷേധക്കാര്‍ സ്ത്രീപ്രവേശനത്തെ വിലക്കിക്കൊണ്ടുള്ള ബോര്‍ഡ് പുനസ്ഥാപിച്ചത്. രണ്ട് ബാനറുകള്‍ വച്ചാണ് താത്കാലികമായി ബോര്‍ഡ് മറച്ചിരുന്നത്. ഈ ബാനറുകള്‍ നീക്കം ചെയ്യുകയായിരുന്നു പ്രവര്‍ത്തകര്‍ ചെയ്തത്്. ശബരിമലയില്‍ സ്ത്രീപ്രവേശനം സംബന്ധിച്ച സുപ്രീംകോടതി ഉത്തരവിന് വിരുദ്ധമായ ബോര്‍ഡാണ് ഇത്തരത്തില്‍ പ്രവര്‍ത്തകര്‍ പുനസ്ഥാപിച്ചതെങ്കിലും പോലിസിന് ഇത് തടയാന്‍ കഴിഞ്ഞില്ല. നേരത്തേ ആന്ധ്രയില്‍ നിന്നുള്ള സ്ത്രീകളടക്കമുള്ള സംഘത്തിന് മലചവിട്ടാനാകാതെ മടങ്ങിയ സംഭവത്തിന് തൊട്ടുപിന്നാലെയാണ് പോലിസിന്റെ ഭാഗത്തു നിന്ന് വീണ്ടുമൊരു വീഴ്ചയുണ്ടായത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss