|    Sep 21 Fri, 2018 2:24 am
FLASH NEWS
Home   >  National   >  

രാജ്യത്ത് അപ്രഖ്യാപിത അടിയന്തരാവസ്ഥ: പോപുലര്‍ ഫ്രണ്ട്

Published : 31st August 2018 | Posted By: mtp rafeek

ന്യൂഡല്‍ഹി: രാജ്യത്തിന്റെ വിവധ ഭാഗങ്ങളില്‍ നിന്നുള്ള പ്രമുഖ മനുഷ്യാവകാശ പ്രവര്‍ത്തകരെ അറസ്റ്റുചെയ്യുകയും വീടുകള്‍ റെയ്ഡ് നടത്തുകയും ചെയ്ത പോലീസിന്റെ നടപടിയെ പോപുലര്‍ ഫ്രണ്ട് ഓഫ് ഇന്ത്യ ദേശീയ സെക്രട്ടറിയേറ്റ് ശക്തമായി അപലപിച്ചു. പോലീസ് സേനയേയും അന്വേഷണ ഏജന്‍സികളെയും കേന്ദ്ര-സംസ്ഥാന സര്‍ക്കാരുകള്‍ ദുരുപയോഗം ചെയ്ത് രാജ്യത്ത് നടപ്പിലാക്കിക്കൊണ്ടിരിക്കുന്ന അപ്രഖ്യാപിത അടിയന്തരാവസ്ഥയുടെ മറ്റൊരുതെളിവാണ് ഈ അറസ്റ്റ്.

പീഢിത ജനങ്ങള്‍ക്കു വേണ്ടി മനുഷ്യാവകാശ പ്രവര്‍ത്തനം നടത്തുകയും ബൗദ്ധിക മേഖലകളില്‍ സംഭാവനകളര്‍പ്പിക്കുകയും ചെയ്തതിന്റെ പേരില്‍ ജനങ്ങള്‍ ഇഷ്ടപ്പെടുകയും ആദരിക്കുകയും ചെയ്യുന്ന നിയമജ്ഞരെയും ബുദ്ധിജീവികളെയും സാമൂഹിക പ്രവര്‍ത്തകരെയുമാണ് പോലിസ് ലക്ഷ്യമിട്ടിട്ടുള്ളത്. അറസ്റ്റ് ചെയ്യപ്പെട്ടവര്‍ ഭരണഘടനക്കെതിരായി എന്തെങ്കിലും ചെയ്തതായി തെളിവില്ല. അറസ്റ്റും റെയ്ഡും അധികാര ദുര്‍വിനിയോഗമാണ്.

അറസ്റ്റുചെയ്യപ്പെട്ടവരില്‍ പലരെയും അവരുടെ ബന്ധുക്കളുടെയും വിദ്യാര്‍ത്ഥികളുടെയും മുന്നില്‍വെച്ച് മോശമായ രീതിയിലാണ് പോലീസ് കൈകാര്യം ചെയ്തത്. ഇവര്‍ക്കെതിരെ ചുമത്തിയിട്ടുള്ളത് അസാധാരണവും യുക്തിരഹിതവുമായ കുറ്റങ്ങളാണ്. അടിയന്തരാവസ്ഥയെ ഓര്‍മിപ്പിക്കുന്ന രീതിയില്‍ എതിര്‍ ശബ്ദങ്ങളെ നിശ്ശബ്ദമാക്കുകയാണ് ലക്ഷ്യം. സുപ്രിം കോടതി ഈ വിഷയത്തില്‍ ഇടപെടണമെന്നും അധികാര കേന്ദ്രങ്ങള്‍ക്കെതിരേ സത്യം തുറന്നു പറയാന്‍ പ്രതിപക്ഷം തയ്യാറാവണമെന്നും പോപുലര് ഫ്രണ്ട് ആവശ്യപ്പെട്ടു.

ചെയര്‍മാന്‍ ഇ അബൂബക്കര്‍ അധ്യക്ഷത വഹിച്ചു. എം മുഹമ്മദലി ജിന്ന, ഇ എം അബ്ദുല്‍ റഹ്മാന്‍, കെ എം ശരീഫ്, ഒ എം എ സലാം, അബ്ദുല്‍ വാഹിദ് സേട്ട് സംബന്ധിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss