|    Nov 18 Sun, 2018 2:49 am
FLASH NEWS
Home   >  Kerala   >  

കണ്ണൂര്‍ നഗരത്തില്‍ പട്ടാപ്പകല്‍ പോക്കറ്റടി: പ്രതി അറസ്റ്റില്‍

Published : 31st October 2018 | Posted By: basheer pamburuthi

കണ്ണൂര്‍: നഗരത്തില്‍ ബസ്സിറങ്ങി നടന്നു പോവുകയായിരുന്നയാളുടെ പോക്കറ്റടിച്ച യുവാവ് അറസ്റ്റില്‍. ഇരിക്കൂര്‍ സ്വദേശി വി വി ഇസ്മായിലി(49)നെയാണ് അര മണിക്കുറിനുള്ളില്‍ ടൗണ്‍ എസ്‌ഐ ശ്രീജിത്ത് കൊടേരി അറസ്റ്റ് ചെയ്തത്. കണ്ണപുരം സ്വദേശി മുഹമ്മദ് രാവിലെ 8.10 ഓടെ കാല്‍ടെക്‌സില്‍ ബസ്സിറങ്ങി നടന്നുപോവുന്നതിനിടെ മാന്യമായി വസ്ത്രം ധരിച്ച ഒരാളെത്തി കുശലം പറയുകയും പെട്ടെന്ന് ഷര്‍ട്ടിന്റെ പോക്കറ്റില്‍ നിന്നു 1710 രൂപയുമെടുത്ത് ഓടിരക്ഷപ്പെടുകയുമായിരുന്നു. വിവരമറിഞ്ഞ് ഉടന്‍ സ്ഥലത്തെത്തിയ എസ്‌ഐയും സംഘവും ഇയാള്‍ ഓടിരക്ഷപ്പെട്ട വഴി മനസ്സിലാക്കുകയും 8.45 ഓടെ താവക്കരയില്‍ നിന്ന് പിടികൂടുകയുമായിരുന്നു. പ്രതിയില്‍നിന്നു പണം കണ്ടെത്തിയതായി പോലിസ് അറിയിച്ചു. മാന്യമായി വസ്ത്രം ധരിച്ച് ആളുകളുമായി ചങ്ങാത്തം കൂടി പോക്കറ്റടിക്കുന്ന ഇയാള്‍ക്കെതിരേ വിവിധ സ്‌റ്റേഷനുകളില്‍ നിരവധി കേസുകളുണ്ടെന്നും പോലിസ് അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss