|    Nov 21 Wed, 2018 11:39 pm
FLASH NEWS
Home   >  Kerala   >  

മാടായി ബഡ്‌സ് സ്‌കൂള്‍ വിദ്യാര്‍ത്ഥിയുടെ മര്‍ദ്ദനം: നടപടി വൈകുന്നതായി പരാതി

Published : 29th October 2018 | Posted By: G.A.G

പഴയങ്ങാടി: മാടായി പഞ്ചായത്ത് ബഡ്‌സ് സ്‌കൂളിലെ ഓട്ടിസം ബാധിച്ച കുട്ടിയേ മര്‍ദ്ദിച്ച സംഭവത്തില്‍ കുട്ടിയുടെ സഹോദരന്‍ നല്‍കിയ പരാതിയില്‍ നടപടി എടുക്കാതെ പോലീസ് വൈകിപ്പിക്കുന്നതായി പരാതി ഉയരുന്നു. മാതാപിതാക്കളില്ലാത്ത പെണ്‍കുട്ടിക്കാണ് മര്‍ദ്ദനം ഏറ്റത്. കുട്ടിയുടെ ചെവിയുടെ ഒരു ഭാഗം മുറിച്ച് കളഞ്ഞ രീതിയിലാണ് കാണപ്പെട്ടത്. എന്നാല്‍ ഇത്ര വലിയ സംഭവം നടന്നിട്ടും കുട്ടിയുടെ രക്ഷിതാക്കളെ അറിയിക്കാനോ ഡോക്ടറേ കാണിക്കാനോ തയ്യാറാകാതെ വീട്ടിലേക്ക് സാധാരണ പോലെ കുട്ടിയേ കൊണ്ട് വിടുകയായിരുന്നുവെന്നാണ് രക്ഷിതാക്കള്‍ പറയുന്നത്. ഇത് സംബന്ധിച്ച് പോലീസില്‍ നല്‍കിയ പരാതിയിലും നടപടിയുണ്ടായില്ല. സ്‌കൂള്‍ പ്രിന്‍സിപ്പാളിന്റെയും ആയമാരുടെയും തികഞ്ഞ അനാസ്ഥയാണ് ഈ സംഭവത്തിന് പിന്നിലെന്നും. സമഗ്രമായ അന്വേഷണം നടത്തി കുറ്റക്കാര്‍ക്കെതിരെ നടപടി സ്വീകരിക്കണമെന്നും പെണ്‍കുട്ടിയുടെ സഹോദരന്‍ പഞ്ചായത്തില്‍ പരാതി നല്‍കിയിരുന്നു. പഞ്ചായത്ത് ഭരണസമിതി പ്രസിഡണ്ടിന്റെ നേതൃത്വത്തില്‍ സ്‌കൂള്‍ ജീവനക്കാരില്‍ നിന്നും മൊഴിയെടുത്തു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss