Flash News

യുനൈറ്റഡിന് വീണ്ടും തിരിച്ചടി; വോള്‍വ്‌സിനോട് സമനില

യുനൈറ്റഡിന് വീണ്ടും തിരിച്ചടി; വോള്‍വ്‌സിനോട് സമനില
X

മാഞ്ചസ്റ്റര്‍: തുടര്‍തോല്‍വികളാല്‍ ലീഗില്‍ പിന്നോട്ടടിക്കുന്ന മാഞ്ചസ്റ്റര്‍ യുനൈറ്റഡിന് സമനില. യുനൈറ്റഡിന്റെ തട്ടകമായ ഓള്‍ഡ് ട്രാഫോര്‍ഡില്‍ രണ്ടാം ഡിവിഷനായ ചാംപ്യന്‍ഷിപ്പ് കഴിഞ്ഞെത്തിയ വോള്‍വ്‌സിനോട് 1-1നാണ് യുനൈറ്റഡ് സമനില വഴങ്ങിയത്.
മല്‍സരത്തിലെ 18ാം മിനിറ്റില്‍ ഫ്രെഡിലൂടെ യുനൈറ്റഡ് അക്കൗണ്ട് തുറന്നു. പിന്നീട് എതിര്‍ വല ചലിപ്പിക്കാന്‍ കഴിയാതിരുന്ന യുനൈറ്റഡിനെതിരേ 53ാം മിനിറ്റില്‍ വോള്‍വ്‌സിന്റെ പോര്‍ച്ചുഗല്‍ മിഡ്ഫീല്‍ഡര്‍ മോട്ടീഞ്ഞോ ഗോള്‍ നേടിയതോടെ യുനൈറ്റഡിന് 1-1 സമനിലയോടെ ബൂട്ടഴിക്കേണ്ടി വന്നു. ആറ് കളികളില്‍ നിന്ന് മൂന്ന് ജയവും രണ്ട് തോല്‍വിയും ഒരു സമനിലയും വഴങ്ങിയ അവര്‍ 10 പോയിന്റുമായി നിലവില്‍ അഞ്ചാം സ്ഥാനത്താണ്.
Next Story

RELATED STORIES

Share it