|    Oct 16 Tue, 2018 4:45 am
FLASH NEWS
Home   >  National   >  

മൊബൈല്‍ ചാര്‍ജ് ചെയ്യാന്‍ വിമാനത്തിന്റെ കോക്പിറ്റില്‍ കയറി; യാത്രക്കാരനെ പുറത്താക്കി

Published : 27th September 2018 | Posted By: sruthi srt

മുംബൈ: മൊബൈല്‍ ഫോണ്‍ ചാര്‍ജ് ചെയ്യാന്‍ വിമാനത്തിന്റെ കോക്പിറ്റില്‍ അതിക്രമിച്ച് കയറിയ യാത്രക്കാരനെ വിമാനത്തില്‍ നിന്ന് ഇറക്കിവിട്ടു. മുംബൈ-കൊല്‍ക്കത്ത ഇന്‍ഡിഗോ വിമാനത്തിലാണ് സംഭവം. ഇയാളെ പിന്നീട് പോലിസ് അറസ്റ്റ് ചെയ്ത് വിട്ടയച്ചു. യാത്രക്കാരന്‍ കോക്പിറ്റിലേക്ക് അതിക്രമിച്ച് കടക്കാന്‍ ശ്രമിക്കവെ വിമാനത്തിലെ ജീവനക്കാര്‍ ഇയാളെ കീഴടക്കുകയായിരുന്നു. തന്റെ മൊബൈല്‍ ചാര്‍ജ് ചെയ്യാനാണ് താന്‍ കോക്പിറ്റില്‍ കയറാന്‍ ശ്രമിച്ചതെന്ന് ഇയാള്‍ ജീവനക്കാരോട് വ്യക്തമാക്കി.


യാത്രയ്ക്ക് മുമ്പ് ഗ്രൗണ്ടില്‍ നില്‍ക്കുമ്പോഴാണ് ഇയാള്‍ കോക്പിറ്റിലേക്ക് കടക്കാന്‍ ശ്രമിച്ചത്. സംഭവത്തെ തുടര്‍ന്ന് കൂടുതല്‍ നിയമനടപടിക്ക് യാത്രക്കാരനെ മുംബൈ എയര്‍പോര്‍ട്ട് പോലീസ് സ്‌റ്റേഷനില്‍ എത്തിച്ചു. ചോദ്യം ചെയ്യലിന് ശേഷം പിന്നീട് വിട്ടയച്ചു. നടപടി ക്രമങ്ങള്‍ക്ക് ശേഷം മുംബൈ കൊല്‍ക്കത്ത വിമാനം യാത്ര തിരിക്കുകയും ചെയ്തു. കഴിഞ്ഞ ദിവസം ഡല്‍ഹിയില്‍ നിന്നും പാറ്റ്‌നയിലേക്ക് പോകുകയായിരുന്ന വിമാനത്തില്‍. ശുചിമുറിയാണെന്ന് തെറ്റിധരിച്ച് യാത്രക്കാരന്‍ വിമാനത്തിന്റെ വാതില്‍ തുറക്കാന്‍ ശ്രമിച്ചിരുന്നു. ഇതു സഹയാത്രികന്റെ ശ്രദ്ധയില്‍പ്പെട്ടതിനാല്‍ വന്‍ ദുരന്തം ഒഴിവായി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss