|    Oct 16 Tue, 2018 3:19 am
FLASH NEWS

തലശ്ശേരി മാഹി വെല്‍ഫെയര്‍ അസോസിയേഷന്‍ ക്രിക്കറ്റ് ടീം എസ്.എസ് റോഡ് ചാമ്പ്യന്മാരായി

Published : 9th October 2018 | Posted By: afsal ph


ജിദ്ദ: തലശ്ശേരി മാഹി വെല്‍ഫെയര്‍ അസോസിയേഷന്‍ (TMWA) അംഗങ്ങള്‍ക്കായി നടത്തിയ ഏകദിന ഫൈവ്‌സ് ക്രിക്കറ്റ് ടൂര്‍ണമെന്റില്‍ സൈനല്‍ ആബിദ് നയിച്ച ടീം എസ്.എസ് റോഡ് ചാമ്പ്യന്മാരായി. ആവേശകരമായ ഫൈനല്‍ മത്സരത്തില്‍ താഹിര്‍ മഷൂര്‍ നയിച്ച ടീം ധര്‍മ്മടത്തെ ആറു വിക്കറ്റിന് തകര്‍ത്താണ് കിരീടമുയര്‍ത്തിയത്.

ടോസ് നേടിയ ടീം എസ്.എസ് റോഡ് ധര്‍മ്മടത്തെ ബാറ്റിങ്ങിന് അയച്ചു. നിശ്ചിത അഞ്ചു ഓവറില്‍ നാല്പത്തിയാറു റണ്‍സ് നേടി. മറുപടി ബാറ്റിങ്ങില്‍, അവസാന പന്ത് വരെ നീണ്ട പിരിമുറുക്കത്തിനൊടുവില്‍, നാല് വിക്കറ്റ് നഷ്ടത്തില്‍ എസ്.എസ് റോഡ് വിജയ ലക്ഷ്യം മറികടന്നു. ഫൈനല്‍ മത്സരത്തില്‍ മികച്ച ആള്‍ റൗണ്ട് പ്രകടനം കാഴ്ചവെച്ച നിജിലിനെ ഫൈനലിലെ മികച്ച താരമായി തിരഞ്ഞെടുത്തു. ടൂര്ണമെന്റിലുടനീളം മികച്ച ബൗളിംഗ് പ്രകടനം കാഴ്ചവെച്ച എസ്.എസ് റോഡിന്റെ മെഹ്ഫൂസിനെ തിരഞ്ഞെടുത്തു. മികച്ച ബാറ്റ്‌സ്മാന്‍ അവാര്‍ഡിന് ടീം ധര്‍മ്മടത്തിന്റെ അബ്ദുല്‍ ഖാലിഖ് അര്‍ഹനായി.

ഉദ്ഘാടന മത്സരത്തില്‍ ടീം ധര്‍മടം 32 റണ്‍സിന് ടീം ചൊക്ലിയെ തകര്‍ത്തു. നാല് ടീമുകള്‍ പങ്കെടുത്ത ടൂര്‍ണമെന്റില്‍, അഞ്ചു ഓവര്‍ വീതമുള്ള മത്സരങ്ങള്‍ ലീഗ് അടിസ്ഥാനത്തിലാണ് നടത്തിയത്. ആദ്യ റൗണ്ടിലെ മികച്ച പോയ്ന്റ്‌സ് നേടിയ ടീം എസ് എസ് റോഡും ടീം ധര്‍മഠവും ഫൈനലില്‍ കളിയ്ക്കാന്‍ യോഗ്യത നേടുകയായിരുന്നു.

നേരത്തെ ടൂര്‍ണമെന്റിന്റെ ഔദ്യാഗിക ഉദ്ഘാടനം ടി.എം.ഡബ്ല്യൂ.എ പ്രസിഡണ്ട് സലീം വി. പി നിര്‍വ്വഹിച്ചു. സൈനല്‍ ആബിദ് ഖിറാഅത് നിര്‍വഹിച്ചു. അബ്ദുല്‍ ഖാദര്‍ മോച്ചേരി സ്വാഗതം പറഞ്ഞു. ജനറല്‍ സിക്രട്ടറി അര്‍ഷദ് പി അച്ചാരത്ത് നന്ദി രേഖപ്പെടുത്തി. അബ്ദുല്‍ ലത്തീഫ് നടുക്കണ്ടി, അബ്ദുല്‍ കരീം കെ. എം, മുഹമ്മദ് അലി എ. പി. എം എന്നിവര്‍ ട്രോഫികള്‍ വിതരണം ചെയ്തു. ഇവന്റ് കോര്‍ഡിനേറ്റര്‍മാരായ റിജാസ് അസ്സൈന്‍, ഹിഷാം മാഹി എന്നിവര്‍ സമ്മാനദാന ചടങ്ങുകള്‍ നിയന്ത്രിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss