Cricket

ബ്രാഡ്‌ബേണ്‍ പാകിസ്താന്‍ ഫീല്‍ഡിങ് കോച്ച്

ബ്രാഡ്‌ബേണ്‍ പാകിസ്താന്‍ ഫീല്‍ഡിങ് കോച്ച്
X

കറാച്ചി: സ്‌കോട്‌ലന്‍ഡ് ദേശീയ ടീമിന്റെ പരിശീലകന്‍ ഗ്രാന്റ് ബ്രാഡ്ബണ്‍ ഇനി പാകിസ്താന്‍ ക്രിക്കറ്റ് താരങ്ങളെ കളി പഠിപ്പിക്കും. പാക്കിസ്താന്റെ ഫീല്‍ഡിങ് പരിശീലകനായി കരാറൊപ്പിട്ടതോടെയാണ് ന്യൂസിലന്‍ഡുകാരനായ ഈ 52കാരന്‍ സ്‌കോട്ടിഷ് ക്രിക്കറ്റിനോട് വിടപറയുന്നത്. മൂന്നു വര്‍ഷത്തെ കരാറാടിസ്ഥാനത്തിലാണ് പാകിസ്താന്‍ ബ്രാഡ്‌ബേണിനെ ടീമിലെത്തിച്ചത്. ബ്രാഡ്ബണിന്റെ പരിശീലന മികവില്‍ ഒട്ടേറെ നേട്ടങ്ങള്‍ സ്‌കോട്‌ലന്‍ഡ് സ്വന്തമാക്കിയിരുന്നു. ട്വന്റി20 ലോകകപ്പിനു യോഗ്യത നേടിയതും ഇംഗ്ലണ്ടിനെതിരായ ഏകദിനത്തിലെ ചരിത്ര വിജയവും അദേഹത്തിന്റെ കാലഘട്ടത്തിലാണ്. സ്‌കോട്ടിഷ് ടീമിന്റെ ഭാഗമാകാന്‍ സാധിച്ചതില്‍ അഭിമാനമുണ്ടെന്ന് അദേഹം പ്രതികരിച്ചു. മിക്കി ആര്‍തറിന്റെ കീഴിലാകും പാക്കിസ്താനില്‍ ബ്രാഡ്ബണ്‍ പ്രവര്‍ത്തിക്കുക.
Next Story

RELATED STORIES

Share it