|    Dec 11 Tue, 2018 3:27 am
FLASH NEWS
Home   >  Top Stories   >  

അമേരിക്കന്‍ മുന്‍ പ്രസിഡന്റ് ജോര്‍ജ് ബുഷ് അന്തരിച്ചു

Published : 1st December 2018 | Posted By: mtp rafeek

വാഷിങ്ടണ്‍: മുന്‍ അമേരിക്കന്‍ പ്രസിഡന്റ് ജോര്‍ജ് എച്ച്ഡബ്ല്യു ബുഷ്(സീനിയര്‍ ബുഷ്) അന്തരിച്ചു. 94 വയസായിരുന്നു. പാര്‍ക്കിന്‍സണ്‍സ് രോഗബാധിതനായിരുന്നു. അമേരിക്കയുടെ നാല്‍പ്പത്തിയൊന്നാമത് പ്രസിഡന്റായ ബുഷ് 1989 മുതല്‍ നാല് വര്‍ഷമാണ് അമേരിക്ക ഭരിച്ചത്. ഗള്‍ഫ് യുദ്ധത്തില്‍ അമേരിക്കന്‍ ഇടപെടല്‍ ജോര്‍ജ് എച്ച്ഡബ്ല്യു ബുഷിന്റെ തീരുമാനമായിരുന്നു.

രണ്ടാം ലോക യുദ്ധത്തില്‍ സൈനികനായിരുന്ന ജോര്‍ജ് എച്ച് ഡബ്ല്യു ബുഷിന്റെ മകന്‍ ജോര്‍ജ് ഡബ്ല്യു ബുഷ് അമേരിക്കയുടെ 43ാമത് പ്രസിഡന്റായിരുന്നു. മുന്‍ ഫ്‌ളോറിഡ ഗവര്‍ണര്‍ ജെബ് ബുഷ് മറ്റൊരു മകനാണ്.

സോവിയറ്റ് യൂനിയന്റെ പതനത്തിനും പനാമ പ്രസിഡന്റ് മാനുവല്‍ നൊറീഗയെ പുറത്താക്കുന്നതിലേക്കും നയിച്ചത് ബുഷിന്റെ ഇടപെടലായിരുന്നു. ഇറാഖ് പ്രസിഡന്റ് സദ്ദാം ഹുസയ്‌ന്റെ ശക്തമായ ഭരണത്തിന് ഇളക്കം തട്ടിയതും സീനിയര്‍ ബുഷിന്റെ കാലത്താണ്.

ഗള്‍ഫ് മേഖലയില്‍ സ്വാധീനം ഉറപ്പിക്കാനുള്ള ബുഷിന്റെ നീക്കങ്ങളാണ് പശ്ചിമേഷ്യയില്‍ ഇപ്പോഴുള്ള സംഘര്‍ഷങ്ങള്‍ക്കു മുഴുവന്‍ തുടക്കമിട്ടത്.

ഭാര്യ ബാര്‍ബറ ബുഷ് 92ാം വയസില്‍ കഴിഞ്ഞ ഏപ്രിലിലാണ് മരിച്ചത്. തൊട്ടുപിന്നാലെ രക്തത്തിലെ അണുബാധ മൂലം ബുഷിനെ ഹൂസ്റ്റണ്‍ മെത്തോഡിസ്റ്റ് ആശുപത്രിയില്‍ പ്രവേശിപ്പിക്കുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss