|    Dec 11 Tue, 2018 12:40 pm
FLASH NEWS
Home   >  Kerala   >  

എടക്കല്‍ ഗുഹ സഞ്ചാരികള്‍ക്കായി വീണ്ടും തുറന്നു

Published : 16th September 2018 | Posted By: sruthi srt

കല്‍പ്പറ്റ: പൈതൃക സ്മാരകമായ എടക്കല്‍ ഗുഹയിലേക്ക് സഞ്ചാരികള്‍ക്ക് നിയന്ത്രണവിധേയമായി പ്രവേശനം അനുവദിച്ചു. കഴിഞ്ഞ ശനിയാഴ്ച മുതലാണ് അനുമതി നല്‍കിയത്. ഒന്നാം ഗുഹയിലൂടെയുളള പ്രവേശനം ഒഴിവാക്കി ബദല്‍ പാത വഴി നേരിട്ട് ചരിത്ര ലിഖിതമുളള രണ്ടാം ഗുഹയിലേക്കാണ് സഞ്ചാരികളെ പ്രവേശിപ്പിക്കുക.

തിരക്ക് നിയന്ത്രിക്കാന്‍ 30ല്‍ താഴെയുളള ചെറു സംഘങ്ങളായിട്ടാണ് സന്ദര്‍ശകരെ കടത്തിവിടുക. ഒരു ദിവസം 1920 പേര്‍ക്ക് ഇത് പ്രകാരം ഗുഹാ സന്ദര്‍ശനം നടത്താം. കാലവര്‍ഷത്തേ തുടര്‍ന്ന് ഒന്നാം ഗുഹയുടെ പ്രവേശന കവാടത്തില്‍ പാറ വീണതിനെ തുടര്‍ന്നാണ് പുരാവസ്തു വകുപ്പ് എടക്കല്‍ ഗുഹയിലേക്ക് സന്ദര്‍ശകര്‍ക്ക് വിലക്ക് ഏര്‍പ്പെടുത്തിയത്. ആര്‍ക്കിയോളജിക്കല്‍ വകുപ്പിന്റെ മേല്‍നോട്ടത്തില്‍ നടത്തുന്ന വിദഗ്ധ സംഘത്തിന്റെ പരിശോധന റിപ്പോര്‍ട്ട് ലഭിക്കുന്നതുവരെ ഒന്നാം ഗുഹയിലൂടെയുളള പ്രവേശനം നിര്‍ത്തിവെക്കുമെന്ന് പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss