|    Jul 25 Tue, 2017 4:25 pm
FLASH NEWS
Home   >  Todays Paper  >  Page 5  >  

83 പത്രികകള്‍ കൂടി; ആകെ ലഭിച്ച പത്രികകളുടെ എണ്ണം 383

Published : 27th April 2016 | Posted By: SMR

തിരുവനന്തപുരം: സംസ്ഥാനത്തൊട്ടാകെ ഇന്നലെ 83 നാമനിര്‍ദേശ പത്രികകള്‍കൂടി ലഭിച്ചു. ഇതോടെ ഇതുവരെ ലഭിച്ച പത്രികകളുടെ എണ്ണം 383 ആയി. ഏറ്റവും കൂടുതല്‍ പത്രികകള്‍ ലഭിച്ചത് മലപ്പുറം ജില്ലയിലാണ്- 23. കാസര്‍കോഡ്, വയനാട്, ഇടുക്കി ജില്ലകളില്‍ ഓരോ പത്രികവീതം ലഭിച്ചു.
ഇന്നലെ ലഭിച്ച പത്രികകളുടെ എണ്ണം ജില്ല തിരിച്ച്. ബ്രാക്കറ്റില്‍ ഇതുവരെ ലഭിച്ച പത്രികകള്‍. കാസര്‍കോഡ്- 01(13), കണ്ണൂര്‍- 12(39), കോഴിക്കോട്- 10(37), വയനാട്- 01(13), മലപ്പുറം- 24(58), പാലക്കാട്- 04(42), തൃശൂര്‍- 06(33), എറണാകുളം- 07(35), ഇടുക്കി- 01(10), കോട്ടയം- 02(18), ആലപ്പുഴ- 03(17), പത്തനംതിട്ട- 02(09), കൊല്ലം- 04(25), തിരുവനന്തപുരം- 06(34). തിരുവനന്തപുരം ജില്ലയില്‍ കോവളത്ത് രണ്ടും ആറ്റിങ്ങല്‍, ചിറയിന്‍കീഴ്, നെടുമങ്ങാട്, കാട്ടാക്കട മണ്ഡലങ്ങളില്‍ ഒന്നുവീതവും പത്രികകളാണ് ഇന്നലെ ലഭിച്ചത്. കോവളം മണ്ഡലത്തില്‍ എസ് ശശി (സ്വത.), അഡ്വ. കെ ജയചന്ദ്രന്‍ (ജനതാദള്‍-എസ് ഡമ്മി) എന്നിവരാണ് പത്രിക സമര്‍പ്പിച്ചത്. ആറ്റിങ്ങലില്‍ എം കെ മനോജ്കുമാര്‍ (എസ്ഡിപിഐ), ചിറയിന്‍കീഴില്‍ ബി മനോജ്കുമാര്‍ (സിപിഐ ഡമ്മി), നെടുമങ്ങാട്ട് എ അബ്ദുല്‍ സലാം (എസ്ഡിപിഐ), കാട്ടാക്കടയില്‍ സുധാകരന്‍നായര്‍ (സിപിഎം ഡമ്മി) എന്നിവരാണ് പത്രിക സമര്‍പ്പിച്ച മറ്റുള്ളവര്‍.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക