|    May 22 Mon, 2017 11:19 pm
FLASH NEWS

65ാമത്തെ വയസ്സില്‍ കന്നിവോട്ട് ചെയ്ത് അബ്ദുല്‍ ഒഫൂര്‍

Published : 18th May 2016 | Posted By: SMR

ആലുവ: 65ാമത്തെ വയസ്സില്‍ ആദ്യവോട്ട് ചെയ്തതിന്റെ സന്തോഷത്തിലാണ് ആലങ്ങാട് ഖലീഫ മന്‍സിലില്‍ മുഹമ്മദാലി മകന്‍ അബ്ദുല്‍ ഒഫൂര്‍. 35 വര്‍ഷത്തിലേറെയായി പ്രവാസജീവിതം നയിക്കുന്ന ഇദ്ദേഹം ഇത്തവണ അവധിക്ക് നാട്ടിലെത്തിയതോടെയാണ് വോട്ട് ചെയ്യാന്‍ അവസരമൊരുങ്ങിയത്. സൗദിയിലെ ദമാമില്‍ ജോലി ചെയ്യുന്ന ഇദ്ദേഹത്തിന്റെ പേര് ഇതുവരെയും വോട്ടര്‍പട്ടികയില്‍ സ്ഥാനം പിടിച്ചിരുന്നില്ല. മൂന്നു മാസം മുമ്പ് അവധിക്ക് നാട്ടിലെത്തിയ അബ്ദുല്‍ ഒഫൂര്‍ വോട്ടര്‍പട്ടികയില്‍ പേര് ചേര്‍ക്കാന്‍ അപേക്ഷ നല്‍കി. കോട്ടപ്പുറം സ്‌കൂളിലാണ് ഇദ്ദേഹം തന്റെ കന്നിവോട്ട് രേഖപ്പെടുത്തിയത്. മതേതരത്വവും ജനാധിപത്യവും നിലനിന്ന് കാണാന്‍ ആഗ്രഹിക്കുന്നതിനാല്‍ ഈ മൂല്യങ്ങള്‍ ഉയര്‍ത്തിപ്പിടിക്കുന്നവര്‍ക്കാണ് തന്റെ കന്നിവോട്ട് നല്‍കിയതെന്ന് ഇദ്ദേഹം പറയുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day