|    Oct 19 Fri, 2018 10:59 pm
FLASH NEWS
Home   >  Todays Paper  >  Page 1  >  

50ാം ദിവസവും ഇന്ധന വില കൂടി

Published : 18th September 2018 | Posted By: kasim kzm

തിരുവനന്തപുരം: തുടര്‍ച്ചയായ 50ാം ദിനവും ഇന്ധനവില കൂടി. പെട്രോളിന് 15 പൈസയും ഡീസലിന് 6 പൈസയുമാണ് കൂടിയത്. തിരുവനന്തപുരത്ത് പെട്രോളിന് 85 രൂപ 48 പൈസയും ഡീസലിന് 79 രൂപ 3 പൈസയുമാണ് വില. വില കുറയ്ക്കാന്‍ കേന്ദ്രസര്‍ക്കാര്‍ തയ്യാറാവാത്തതിനാല്‍ സംസ്ഥാന സര്‍ക്കാര്‍ നികുതി കുറയ്ക്കണമെന്ന ആവശ്യം ശക്തമായിട്ടുണ്ട്. മഹാരാഷ്ട്രയിലെ വിവിധ നഗരങ്ങളില്‍ ഇന്നലെ പെട്രോള്‍ വില 90 കടന്നു. ഇന്ധന വിലവര്‍ധനയില്‍ രാജ്യം മുഴുവന്‍ പ്രതിഷേധം ഉയരുമ്പോള്‍, കടുത്ത പ്രതിസന്ധിയിലാണ് ബിജെപി. തീരുവ കുറച്ച് ഇന്ധനവില പിടിച്ചുനിര്‍ത്തണമെന്ന അഭിപ്രായം ഉയര്‍ന്നെങ്കിലും വികസനപ്രവര്‍ത്തനങ്ങളെ ബാധിക്കുമെന്ന വാദമുയര്‍ത്തി ധനമന്ത്രി അരുണ്‍ ജെയ്റ്റ്‌ലി നിര്‍ദേശം തള്ളി. പ്രധാനമന്ത്രി നരേന്ദ്ര മോദി ഇക്കാര്യത്തില്‍ അന്തിമ തീരുമാനമെടുക്കട്ടെയെന്നാണ് ധനമന്ത്രാലയത്തിന്റെ നിലപാട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss