4000 കോടി സെപ്തംബറോടെ നല്‍കാമെന്ന്‌ വിജയ് മല്ല്യ

ന്യൂഡല്‍ഹി: രാജ്യത്തെ വിവിധ ബാങ്കുകള്‍ക്ക് നല്‍കാനുള്ള പണത്തില്‍ നാലായിരം കോടി രൂപ സെപ്തംബര്‍ മാസത്തില്‍ നല്‍കാമെന്ന് വിജയ് മല്ല്യ സുപ്രീകോടതിയെ അറിയിച്ചു.  അഭിഭാഷകന്‍ മുഖേന സുപ്രീംകോടതിയെ അറിയിച്ചതാണ് ഇക്കാര്യം.

ഉടനെ തന്നെ രണ്ടായിരം കോടി നല്‍കാമെന്നും ബാക്കി 2000 കോടി സെപ്തംബര്‍ 31ന് നല്‍കാമെന്നുമാണ് മല്ല്യയുടെ അഭിഭാഷകനായ സിഎസ് വൈദ്യനാഥന്‍ കോടതിയെ അറിയിച്ചത്. എന്നാല്‍, മല്ല്യ എപ്പോള്‍ ഇന്ത്യയില്‍ തിരിച്ചെത്തുമെന്ന കോടതിയുടെ ചോദ്യത്തിന് അദ്ദേഹം മറുപടി പറഞ്ഞില്ല.

ബാങ്കുകളില്‍ നിന്നു ലോണെടുത്തവകയില്‍ 9000 കോടി രൂപയാണ് മദ്യ വ്യവസായി വിജയ് മല്ല്യ നല്‍കാനുള്ളത്. സിബിഐയും എന്‍ഫോഴ്‌സ്‌മെന്റ് ഡയറക്ടറേറ്റും അന്വേഷണം ആരംഭിച്ചതോടെ രാജ്യസഭാംഗം കൂടിയായ ഇദ്ദേഹം മാര്‍ച്ച് രണ്ടിന് രാജ്യവിടുകയായിരുന്നു.



[related]