|    Sep 20 Wed, 2017 9:08 am
FLASH NEWS
Home   >  Todays Paper  >  page 11  >  

29ാം ജയം; സാനിയ-ഹിംഗിസ് ജോടിക്ക് ലോകറെക്കോഡ്

Published : 15th January 2016 | Posted By: SMR

സിഡ്‌നി: ലോക ഒന്നാംനമ്പര്‍ ഡബിള്‍സ് ജോടിയായ ഇന്ത്യയുയെ സാനിയാ മിര്‍സ- സ്വിറ്റ്‌സര്‍ലന്‍ഡിന്റെ മാര്‍ട്ടിന ഹിംഗിസ് സഖ്യം തുടര്‍ ജയങ്ങളോടെ പുതിയ ലോക റെക്കോഡ് സ്ഥാപിച്ചു. 29 മല്‍സരങ്ങളില്‍ തുടര്‍ച്ചയായി ജയിച്ചാണ് ഈ സഖ്യം ചരിത്രം കുറിച്ചത്. സിഡ്‌നി അന്താരാഷ്ട്ര ടെന്നിസ് ടൂര്‍ണമെന്റിന്റെ സെമി ഫൈനലിലാണ് സാനിയ-ഹിംഗിസ് ജോടി റെക്കോഡ് ജയം നേടിയത്. റുമാനിയയുടെ റലൂക്ക ഒലാറു- കസാക്കിസ്താന്റെ യരോസ്ലാവ ഷ്വഡോവ സഖ്യത്തെയാണ് ഇന്തോ-സ്വിസ് ജോടി 4-6, 6-3, 10-8നു തോല്‍പ്പിച്ചത്.
22 വര്‍ഷം പഴക്കമുള്ള ലോക റെക്കോഡാണ് സാനിയ-ഹിംഗിസ് ജോടിക്കു മുന്നില്‍ വഴിമാറിയത്. 1994ല്‍ പ്യുര്‍ട്ടോറിക്കയുടെ ജിജി ഫെര്‍ണാണ്ടസ്-ബെലാറസിന്റെ നതാഷ സ്വറേവ സ ഖ്യം സ്ഥാപിച്ച റെക്കോഡാണ് തിരുത്തപ്പെട്ടത്.
സാനിയ-ഹിംഗിസ് ജോടി കഴിഞ്ഞ വര്‍ഷം വിംബിള്‍ഡണ്‍, യുഎസ് ഓപണ്‍ എന്നിവയടക്കം ഒമ്പതു ടൂര്‍ണമെന്റുകളില്‍ കിരീടം ചൂടിയിരുന്നു. കഴിഞ്ഞയാഴ്ച നടന്ന ബ്രിസ്ബണ്‍ ഇന്റ ര്‍നാഷനല്‍ ടൂര്‍ണമെന്റിലും ഈ ജോടിക്കായിരുന്നു കിരീടം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക