28നു ചെങ്ങന്നൂരില്‍ പൊതു അവധി

തിരുവനന്തപുരം: ഉപതിരഞ്ഞെടുപ്പ് ദിവസമായ മെയ് 28നു ചെങ്ങന്നൂര്‍ നിയോജകമണ്ഡലത്തിന്റെ പരിധിയിലുള്ള സര്‍ക്കാര്‍-അര്‍ധസര്‍ക്കാര്‍ ഓഫിസുകള്‍, വിദ്യാഭ്യാസ സ്ഥാപനങ്ങള്‍, വാണിജ്യ സ്ഥാപനങ്ങള്‍ എന്നിവയ്ക്ക് പൊതു അവധി പ്രഖ്യാപിച്ച് സര്‍ക്കാര്‍ ഉത്തരവായി. മണ്ഡലത്തിലെ സ്വകാര്യ സ്ഥാപനങ്ങളിലെയും വ്യവസായ കേന്ദ്രങ്ങളിലെയും ഷോപ്‌സ് ആന്റ് കൊമേഴ്‌സ്യല്‍ ആക്ടിനു കീഴില്‍ വരുന്ന സ്ഥാപനങ്ങളിലെയും ജീവനക്കാര്‍ക്ക് അന്നേ ദിവസം ശമ്പളത്തോടു കൂടിയ അവധി ലഭ്യമാക്കാന്‍ നടപടി സ്വീകരിക്കും. മണ്ഡലത്തിനു പുറത്ത് ജോലി ചെയ്യുന്ന മണ്ഡലത്തിലെ വോട്ടര്‍മാരായ തൊഴിലാളികള്‍ക്കും ശമ്പളത്തോടുകൂടി അവധി ആനുകൂല്യം നല്‍കേണ്ടതാണെന്നും ഉത്തരവില്‍ പറയുന്നു. മണ്ഡലത്തിലെ നെഗോഷ്യബിള്‍ ഇന്‍സ്ട്രുമെന്റ് ആക്ടിനു കീഴില്‍ വരുന്ന സ്ഥാപനങ്ങള്‍ക്കും അന്ന് അവധിയായിരിക്കും.