|    Sep 26 Wed, 2018 4:14 pm
FLASH NEWS
Home   >  Todays Paper  >  page 7  >  

2019ല്‍ ബിജെപി അധികാരത്തില്‍ വരില്ല: ചന്ദ്രബാബു നായിഡു

Published : 28th May 2018 | Posted By: kasim kzm

വിജയവാഡ: വാഗ്ദാനങ്ങള്‍ പാലിക്കുന്നതില്‍ പരാജയപ്പെട്ട ബിജെപി അടുത്ത ലോക്‌സഭാ തിരഞ്ഞെടുപ്പില്‍ തീര്‍ച്ചയായും അധികാരത്തില്‍ വരില്ലെന്ന് ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു. തെലുഗുദേശം പാര്‍ട്ടി (ടിഡിപി) യുടെ വാര്‍ഷിക സമ്മേളനമായ മഹാനാട് ഉദ്ഘാടനം ചെയ്ത് സംസാരിക്കുകയായിരുന്നു നായിഡു.
രാജ്യത്തു സര്‍ക്കാരുകള്‍ രൂപീകരിക്കുന്നതില്‍ ടിഡിപി ഇതിനു മുമ്പ് നിര്‍ണായക പങ്കുവഹിച്ചിട്ടുണ്ട്. രാഷ്ട്രീയ ചരിത്രം മാറ്റാനുള്ള ശക്തി പാര്‍ട്ടിക്കുണ്ട്. പ്രതിപക്ഷത്തെ കോണ്‍ഗ്രസ്സിന് കാര്യമായി ഒന്നും ചെയ്യാനാവില്ല. എന്നാല്‍ ബിജെപി 2019ല്‍ അധികാരത്തില്‍ വരാന്‍പോവുന്നില്ലെന്നു പറഞ്ഞ നായിഡു സമാന ചിന്താഗതിയുള്ള പാര്‍ട്ടികളുമായി സഖ്യമുണ്ടാക്കുമെന്നും സൂചിപ്പിച്ചു. കേന്ദ്രത്തിന്റെ നിസ്സഹകരണത്തിനും വാഗ്ദാനങ്ങള്‍ പാലിക്കാത്തതിനുമെതിരേ സമ്മേളനത്തില്‍ പ്രമേയം പാസാക്കാന്‍ ടിഡിപി തീരുമാനിച്ചിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss