|    Aug 15 Wed, 2018 2:51 am
FLASH NEWS
Home   >  Todays Paper  >  Page 5  >  

2019ഓടെ എല്ലാ വീട്ടിലും കറിവേപ്പ്

Published : 27th July 2018 | Posted By: kasim kzm

തിരുവനന്തപുരം: എല്ലാ വീട്ടിലും കറിവേപ്പും വേപ്പും നട്ടുപിടിപ്പിക്കാന്‍ മന്ത്രി കെ കെ ശൈലജയുടെ നേതൃത്വത്തില്‍ തൈക്കാട് ഗസ്റ്റ്ഹൗസില്‍ നടന്ന സംസ്ഥാന ഔഷധസസ്യ ബോര്‍ഡിന്റെ 21ാമത് ബോര്‍ഡ് യോഗത്തില്‍ തീരുമാനം. വീട്ടില്‍ ഒരു വേപ്പും കറിവേപ്പും എന്ന ഗൃഹചൈതന്യം പദ്ധതി ശക്തിപ്പെടുത്താനും യോഗത്തില്‍ തീരുമാനമായി. 2019ഓടെ ഈ പദ്ധതി പൂര്‍ത്തിയാക്കാനാണ് ലക്ഷ്യമിടുന്നത്.
പദ്ധതിയുടെ ഭാഗമായി മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയുമായി സഹകരിച്ച് കേരളപ്പിറവി ദിനമായ നവംബര്‍ 1ന് രണ്ടാം ഘട്ടമായി 471 ഗ്രാമപ്പഞ്ചായത്തുകളിലെ എല്ലാ വീടുകളിലും കറിവേപ്പും വേപ്പും നട്ടുപിടിപ്പിക്കും. മൂന്നാം ഘട്ടമായി മുഴുവന്‍ നഗരസഭകളിലും കോര്‍പറേഷനുകളിലും അയ്യങ്കാളി തൊഴിലുറപ്പ് പദ്ധതിയുമായി ചേര്‍ന്ന് പദ്ധതി നടപ്പാക്കും. സംസ്ഥാന ഔഷധസസ്യ ബോര്‍ഡ് ഔഷധസസ്യ പരിപോഷണ പദ്ധതിക്കുള്ള പ്രോജക്ടുകള്‍ സമര്‍പ്പിക്കാനുള്ള സമയപരിധി ആഗസ്ത് 15 വരെ നീട്ടാനും തീരുമാനമായി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss