|    Sep 25 Tue, 2018 12:38 am
FLASH NEWS
Home   >  Todays Paper  >  page 12  >  

2017 ആണ്ടറുതി

Published : 31st December 2017 | Posted By: kasim kzm

ഫെബ്രുവരി06: വിദേശഫണ്ട് വിനിമയചട്ടം (എഫ്‌സിആര്‍എ) ലംഘിച്ചെന്ന കേസില്‍ പ്രമുഖ സാമൂഹികപ്രവര്‍ത്തക ടീസ്താ സെറ്റല്‍വാദിനും ഭര്‍ത്താവ് ജാവേദ് ആനന്ദിനുമെതിരേ സിബിഐ കുറ്റപത്രം സമര്‍പ്പിച്ചു.ഫെബ്രുവരി14: സിനിമക്ക് മുമ്പ് ദേശീയഗാനം കേള്‍ക്കുമ്പോള്‍ എഴുന്നേറ്റ് നില്‍ക്കണമെന്ന് സുപ്രിംകോടതി.ഫെബ്രുവരി 22: ഗാസിയാബാദ് വ്യാജ ഏറ്റുമുട്ടല്‍ക്കേസില്‍ ഭോജ്പൂര്‍ സ്റ്റേഷനിലെ നാല്  പോലിസുകാര്‍ക്ക് ജീവപര്യന്തം ശിക്ഷ.  മാര്‍ച്ച് 7: മാവോവാദി ബന്ധം ആരോപിച്ച് ഡല്‍ഹി സര്‍വകലാശാലാ പ്രഫസര്‍ ജി എന്‍ സായിബാബയടക്കം അഞ്ചുപേര്‍ക്ക് മഹാരാഷ്ട്രയിലെ ഗഡ്ചിറോളി ജില്ലാ സെഷന്‍സ് കോടതി ജീവപര്യന്തം ശിക്ഷ വിധിച്ചുമാര്‍ച്ച്19: വീടിനുമേല്‍ മാതാപിതാക്കള്‍ക്കു നിയമപരമായ അവകാശം ഇല്ലെങ്കിലും ശല്യക്കാരായ പ്രായപൂര്‍ത്തിയായ മക്കളെ വീട്ടില്‍നിന്നു പുറത്താക്കാന്‍ മാതാപിതാക്കള്‍ക്ക് അധികാരമുണ്ടെന്ന് ഡല്‍ഹി ഹൈക്കോടതി.മാര്‍ച്ച് 22: 2007ലെ അജ്മീര്‍ ദര്‍ഗ സ്‌ഫോടനക്കേസില്‍ ആര്‍എസ്എസ്  പ്രവര്‍ത്തകരായ ദേവേന്ദ്ര ഗുപ്ത, ഭാവേഷ് പട്ടേല്‍ എന്നിവര്‍ക്ക് ജിവപര്യന്തം തടവ് ശിക്ഷ. സ്വാമി അസിമാനന്ദയുള്‍പ്പെടെ ആറു പേരെ എന്‍ഐഎ കോടതി വെറുതെവിട്ടു. മെയ് 6: വഖ്ഫ് സ്വത്തുകള്‍ ഏതൊക്കെയെന്നു നിര്‍ണയിക്കുന്നതിനുള്ള അധികാരം വഖ്ഫ് ട്രൈബ്യൂണലുകള്‍ക്കു മാത്രമാണെന്ന് സുപ്രിംകോടതി.മെയ് 8: ആര്‍ജെഡി അധ്യക്ഷനും ബിഹാര്‍ മുന്‍ മുഖ്യമന്ത്രിയുമായ ലാലുപ്രസാദ് യാദവിനെ കാലിത്തീറ്റ കുംഭകോണക്കേസില്‍ കുറ്റവിമുക്തനാക്കിയ ജാര്‍ഖണ്ഡ് ഹൈക്കോടതി വിധി സുപ്രിംകോടതി റദ്ദാക്കി. മെയ് 24: ഓള്‍ ഇന്ത്യാ മെഡിക്കല്‍ പ്രവേശനപ്പരീക്ഷയില്‍ ശിരോവസ്ത്രം നിരോധിച്ചുകൊണ്ടുള്ള ഓള്‍ ഇന്ത്യാ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസിന്റെ തീരുമാനം ഡല്‍ഹി ഹൈക്കോടതി റദ്ദാക്കി.ജൂണ്‍ 16: 993ലെ മുംബൈ സ്‌ഫോടന പരമ്പരയുമായി ബന്ധപ്പെട്ട കേസില്‍ അധോലോക നേതാവ് അബുസലീം ഉള്‍പ്പെടെ ആറുപേര്‍ കുറ്റക്കാരെന്ന് പ്രത്യേക ടാഡാ കോടതി.ജൂലൈ 04: ശ്രീപത്മനാഭസ്വാമി ക്ഷേത്രത്തിലെ ബി നിലവറ തുറക്കാമെന്നും നടപടിയിലൂടെ ആരുടെയും വികാരം വ്രണപ്പെടില്ലെന്ന് സുപ്രിംകോടതിജൂലൈ 15: തോട്ടിപ്പണി ഭരണഘടന ഉറപ്പുനല്‍കുന്ന മനുഷ്യാവകാശത്തിന്റെയും അന്തസ്സോടെ ജീവിക്കാനുള്ള അവകാശത്തിന്റെയും ലംഘനമാണെന്ന് മദ്രാസ് ഹൈക്കോടതിജൂലൈ 25: തമിഴ്‌നാട്ടിലെ സ്‌കൂളുകളില്‍ വന്ദേ മാതരം’ ചുരുങ്ങിയത് ആഴ്ചയില്‍ രണ്ടുപ്രാവശ്യമെങ്കിലും നിര്‍ബന്ധമായും ആലപിക്കണമെന്ന് മദ്രാസ് ഹൈക്കോടതി.ആഗസ്ത് 01: സുഹ്‌റബുദ്ദീന്‍ ശെയ്ഖ്-തുളസീറാം പ്രജാപതി വ്യാജ ഏറ്റുമുട്ടല്‍ കേസില്‍ ഗുജറാത്ത് മുന്‍ ഐപിഎസ് ഓഫിസര്‍ ഡി ജി വന്‍സാര, രാജസ്ഥാന്‍ കാഡര്‍ ഐപിഎസ് ഓഫിസര്‍ എം എന്‍ ദിനേശ് എന്നിവരെ പ്രത്യേക സിബിഐ കോടതി കുറ്റവിമുക്തനാക്കിആഗസ്ത് 11: നീറ്റ് പരീക്ഷക്ക്് എല്ലാ ഭാഷകളിലേക്കും ഒറ്റ ചോദ്യപേപ്പര്‍ വേണമെന്ന് സുപ്രിംകോടതി നിര്‍ദേശം.ആഗസ്ത് 16: 1984ലെ സിക്ക് വിരുദ്ധ കലാപവുമായി ബന്ധപ്പെട്ട 241 കേസുകള്‍ അവസാനിപ്പിക്കാനുള്ള പ്രത്യേക അന്വേഷണ സംഘത്തിന്റെ (എസ്‌ഐടി) തീരുമാനത്തില്‍ സൂക്ഷ്മ പരിശോധന നടത്താന്‍ പരമോന്നത കോടതിയിലെ രണ്ട് മുന്‍ ജഡ്ജിമാരടങ്ങുന്ന സംഘത്തെ സുപ്രിംകോടതി നിയമിച്ചു.ആഗസ്ത് 28: രാജീവ്ഗാന്ധി വധക്കേസില്‍ ജീവപര്യന്തം തടവുശിക്ഷ ലഭിച്ച പേരറിവാളന് 26 വര്‍ഷത്തിനുശേഷം ജാമ്യം.സ്പ്തംബര്‍ 7: 1993ലെ മുംബൈ സ്‌ഫോടന പരമ്പരയുമായി ബന്ധപ്പെട്ട കേസില്‍ താഹിര്‍ മര്‍ച്ചന്റ്, ഫിറോസ് അബ്ദുല്‍ റാഷിദ് ഖാന്‍ എന്നിവര്‍ക്കു ടാഡാ കോടതി വധശിക്ഷ വിധിച്ചു.ഒക്ടോബര്‍ 6: രാഷ്ട്രപിതാവ് മഹാത്മാഗാന്ധിയെ കൊലപ്പെടുത്തിയ കേസ് പുനരന്വേഷിക്കണമെന്ന് ആവശ്യപ്പെടുന്ന ഹരജിയില്‍ സുപ്രിംകോടതി അമിക്കസ് ക്യൂറിയെ നിയമിച്ചു. ഒക്ടോബര്‍ 11: പ്രായപൂര്‍ത്തിയാവാത്ത ഭാര്യയുമായുള്ള ലൈംഗികബന്ധം ബലാല്‍സംഗമായി പരിഗണിച്ച് കേസെടുക്കാമെന്ന് സുപ്രിംകോടതി. ഒക്ടോബര്‍ 12: ആരുഷി കൊലക്കേസില്‍ മാതാപിതാക്കളെ അലഹബാദ് ഹൈക്കോടതി കുറ്റവിമുക്തരാക്കിഒക്ടോബര്‍ 13: റോഹിന്‍ഗ്യന്‍ വംശജരുടെ കാര്യത്തില്‍ രാജ്യസുരക്ഷയോടൊപ്പം മാനുഷിക പരിഗണനയ്ക്കും തുല്യ പ്രാധാന്യം നല്‍കണമെന്ന് സുപ്രിംകോടതി.ഒക്ടോബര്‍ 14: ഹിന്ദുത്വ വധഭീഷണി നേരിടുന്ന എഴുത്തുകാരനും സാമൂഹികശാസ്ത്രജ്ഞനുമായ കാഞ്ച ഐലയ്യയുടെ വിവാദ പുസ്തകം സാമാജിക സ്മഗ്ലെരുലു കൊമതുള്ളു (കൊമാത്തികള്‍: സാമൂഹിക കള്ളക്കടത്തുകാര്‍) നിരോധിക്കാനാവില്ലെന്ന് സുപ്രിംകോടതി.ഒക്ടോബര്‍ 28: പൂര്‍ണവളര്‍ച്ചയെത്താത്ത സ്വന്തം ഗര്‍ഭം അലസിപ്പിക്കാന്‍ സ്ത്രീക്ക് ഭര്‍ത്താവിന്റെ അനുമതി വേണ്ടെന്നു സുപ്രിംകോടതി.ഡിസംബര്‍ 4: വ്യാജ കേസുകളില്‍പെട്ട്, പിന്നീട് നിരപരാധിയാണെന്നു തെളിഞ്ഞ് കോടതി വിട്ടയക്കുന്നവര്‍ക്ക് നഷ്ടപരിഹാരവും പുനരധിവാസവും ഉറപ്പാക്കുന്ന നിയമനിര്‍മാണം സംബന്ധിച്ചു പഠിക്കാന്‍ ദേശീയ നിയമ കമ്മീഷനു ഡല്‍ഹി ഹൈക്കോടതിയുടെ നിര്‍ദേശം.ഡിസംബര്‍ 13: നിയമവിദ്യാര്‍ഥിനി ജിഷ  വധം:  പ്രതി അമീറുല്‍ ഇസ്‌ലാമിന് വധശിക്ഷ.ഡിസംബര്‍ 20: കോടതിയലക്ഷ്യ കേസില്‍ ആറുമാസം തടവുശിക്ഷ ലഭിച്ച കല്‍ക്കട്ട ഹൈക്കോടതിയിലെ ജസ്റ്റിസ് സി എസ് കര്‍ണന്‍ ജയില്‍ മോചിതനായി. ഡിസംബര്‍ 22:  2ജി സ്‌പെക്ട്രം അഴിമതിക്കേസിലെ എല്ലാ പ്രതികളെയും ഡല്‍ഹിപ്രത്യേക സിബിഐ കോടതി വെറുതെ വിട്ടു. ഡിസംബര്‍ 23: കാലിത്തീറ്റ കുംഭകോണ കേസില്‍ ആര്‍ജെഡി നേതാവും മുന്‍ ബിഹാര്‍ മുഖ്യമന്ത്രിയുമായ ലാലു പ്രസാദ് യാദവ് കുറ്റക്കാരനാണെന്ന് സിബിഐ പ്രത്യേക കോടതി. ‘എനിക്ക് സ്വാതന്ത്ര്യം വേണം’ നവംബര്‍ 28: ആറു മാസം നീണ്ട വീട്ടുതടങ്കലിന് അന്ത്യം കുറിച്ച് ഡോ. ഹാദിയയെ സുപ്രിംകോടതി അഞ്ചു മണിയോടെ സ്വതന്ത്രയാക്കി. സേലത്തെ ബിഎച്ച്എംഎസ് കോളജില്‍ ഹാദിയയുടെ ഇഷ്ടപ്രകാരം തുടരാന്‍ അനുമതി

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss