|    Dec 11 Tue, 2018 9:51 am
FLASH NEWS
Home   >  Todays Paper  >  page 9  >  

2016ഓടെ ഐഎസിനെ തുരത്തും: അബാദി

Published : 30th December 2015 | Posted By: SMR

ബഗ്ദാദ്: അടുത്ത വര്‍ഷത്തോടെ രാജ്യത്തുനിന്ന് ഐഎസിനെ നിഷ്‌കാസനം ചെയ്യുമെന്ന് ഇറാഖ് പ്രധാനമന്ത്രി ഹൈദര്‍ അല്‍ അബാദി. യുഎസ് പിന്തുണയോടെ റമാദി നഗരം മോചിപ്പിച്ച ശേഷം സംസാരിക്കുകയായിരുന്നു അദ്ദേഹം. എണ്ണപ്പാടങ്ങളാല്‍ സമൃദ്ധമായ ഐഎസ് നിയന്ത്രണത്തിലുള്ള മൗസില്‍ തിരിച്ചുപിടിക്കാനുള്ള തയ്യാറെടുപ്പുകള്‍ തുടങ്ങിയതായും അബാദി അറിയിച്ചു. ഐഎസിനെ സംബന്ധിച്ച് നിര്‍ണായകവും അന്തിമവുമായ തിരിച്ചടിയാവുമിതെന്നും അദ്ദേഹം പറഞ്ഞു.
ആഴ്ചകള്‍ നീണ്ട കനത്ത പോരാട്ടത്തിനൊടുവിലാണ് ബഗ്ദാദിനു 90 കി. മീ. പടിഞ്ഞാറുള്ള റമാദി ഇറാഖി സൈന്യം പിടിച്ചെടുത്തത്. റമാദിയിലെ ചില പ്രവിശ്യകള്‍ക്ക് ആക്രമണത്തില്‍ കനത്ത നാശനഷ്ടം സംഭവിച്ചു. നിരവധി കെട്ടിടങ്ങളും വീടുകളും തകര്‍ന്നു. അതേസമയം, ആക്രമണത്തില്‍ കൊല്ലപ്പെട്ടവരുടെ എണ്ണം സൈന്യം പുറത്തുവിട്ടിട്ടില്ല. അതിനിടെ ഇറാഖി പ്രധാനമന്ത്രി റമാദി സന്ദര്‍ശിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss