|    Feb 25 Sun, 2018 9:12 pm
FLASH NEWS
Home   >  Todays Paper  >  Page 4  >  

2 ബിജെപി പ്രവര്‍ത്തകര്‍ക്ക് ജീവപര്യന്തം

Published : 22nd December 2017 | Posted By: kasim kzm

തലശ്ശേരി: അഴീക്കോട് മീന്‍കുന്നില്‍ ഡിവൈഎഫ്‌ഐ പ്രവര്‍ത്തകന്‍ പുളിക്കോമ്പേത്ത് ധനേഷി(26)നെ വെട്ടിക്കൊലപ്പെടുത്തിയ കേസില്‍ രണ്ടു ബിജെപി പ്രവര്‍ത്തകരെ ജീവപര്യന്തം കഠിനതടവിനും 30,000 രൂപ വീതം പിഴയടയ്ക്കാനും അഡീഷനല്‍ ജില്ലാ സെഷന്‍സ് (മൂന്ന്) കോടതി ശിക്ഷിച്ചു. പ്രതിപ്പട്ടികയില്‍ ഉണ്ടായിരുന്ന ആറുപേരെ വെറുതെ വിട്ടു. അഴീക്കോട് ആറാംകോട്ടത്തെ എം പി പ്രജിന്‍ (32), മീന്‍കുന്ന് മമ്പറംപീടികയിലെ എം എം വിജിത്ത് എന്ന കുട്ടന്‍ (31) എന്നിവരാണ് ശിക്ഷിക്കപ്പെട്ടത്. ധനേഷിനെ ബലമായി തടഞ്ഞുനിര്‍ത്തിയ കുറ്റത്തിന് ഒരുമാസം തടവിനും ശിക്ഷിച്ചു. പിഴയടച്ചില്ലെങ്കില്‍ ഒരു വര്‍ഷം കൂടി അധിക തടവ് അനുഭവിക്കണം. അഴീക്കോട്ടെ എം പി സ്വരൂപ് (30) ആണ് കേസിലെ ഒന്നാംപ്രതി. ഇയാള്‍ ഇതുവരെ വിചാരണക്കോടതിയില്‍ ഹാജരായിരുന്നില്ല. മീന്‍കുന്ന് ഓലച്ചേരി വീട്ടില്‍ ശരത്ബാബു (36), പണ്ടാരപ്പുരയില്‍ പി പി ബിജോയ് (28), സ്വാമിമഠം കോളനിയിലെ ഇടുമ്പന്‍ ബൈജു (27), മീന്‍കുന്നിലെ വി എം ഷാഹിന്‍ (28), കെ പി കലേഷ് (31), നീര്‍ക്കടവിലെ എം വിനീഷ് (32) എന്നിവരെയാണു വിട്ടയച്ചത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss