|    Sep 23 Sun, 2018 6:12 pm
FLASH NEWS
Home   >  Todays Paper  >  page 7  >  

2ജി സ്‌പെക്ട്രം അഴിമതിക്കേസ് നാള്‍വഴികള്‍

Published : 22nd December 2017 | Posted By: kasim kzm

മെയ് 2007: എ രാജ ടെലികോം മന്ത്രിയായി ചുമതലയേറ്റു.ആഗസത് 2007: 2ജി സ്‌പെക്ട്രവും യുഎഎസ് ലൈസന്‍സുകളും അനുവദിക്കാന്‍ ടെലികോം മന്ത്രാലയം നടപടി തുടങ്ങുന്നു.ഒക്ടോബര്‍ ഒന്ന് 2007: 46 കമ്പനികളില്‍ നിന്ന് 575 അപേക്ഷകള്‍ ടെലികോം വകുപ്പിനു ലഭിച്ചു.നവംബര്‍ രണ്ട് 2007: ലൈസന്‍സ് വിതരണം ന്യായമായ രീതില്‍ വേണമെന്നും ലൈസന്‍സ് ഫീസ് പുനപ്പരിശോധിക്കണമെന്നും ആവശ്യപ്പെട്ടു ടെലികോം മന്ത്രിക്കു പ്രധാനമന്ത്രിയുടെ കത്ത്. നവംബര്‍ 22 2007: നടപടിക്രമങ്ങളിലെ അപാകത ചൂണ്ടിക്കാട്ടി ടെലികോം മന്ത്രാലയത്തിനു ധനമന്ത്രാലയത്തിന്റെ കത്ത്.ജനുവരി 10 2008: സ്‌പെക്ട്രം ആദ്യമെത്തുന്നവര്‍ക്ക് ആദ്യം എന്ന രീതിയിലേക്കു ടെലികോം മന്ത്രാലയത്തിന്റെ ചുവടുമാറ്റം. ഒക്ടോബര്‍ ഒന്നായിരുന്ന സമയപരിധി മുന്നോട്ടാക്കി സപ്തംബര്‍ 25 ആക്കി പുനര്‍ നിശ്ചയിച്ചു. ഇതേദിവസം (ജനുവരി 10) പകല്‍ മൂന്നരയ്ക്കും നാലരയ്ക്കുമിടയില്‍ അപേക്ഷ നല്‍കുന്നവര്‍ക്കു ലൈസന്‍സ് നല്‍കുമെന്നും പ്രഖ്യാപനം. 2009: ടെലികോം പരാതി അന്വേഷിക്കാന്‍ കേന്ദ്ര വിജിലന്‍സ് കമ്മിഷന്‍ സിബിഐയെ ചുമതലപ്പെടുത്തി.ജൂലൈ ഒന്ന് 2009: അപേക്ഷ നല്‍കാനുള്ള സമയപരിധി മുന്നോട്ടാക്കിയതു ഡല്‍ഹി ഹൈക്കോടതി സ്‌റ്റേ ചെയ്തു. ഒക്ടോബര്‍ 21 2009: ടെലികോം ഉദ്യോഗസ്ഥര്‍ക്കും സ്വകാര്യ കമ്പനികള്‍ക്കുമെതിരേ സിബിഐ കേസെടുത്തു.ഒക്ടോബര്‍ 22 2009: ടെലികോം വകുപ്പില്‍ സിബിഐ റെയ്ഡ്.നവംബര്‍ 16 2009: കോര്‍പറേറ്റ് ഇടനിലക്കാരി നീര റാഡിയയുടെയും ഇടനിലക്കാരായ മറ്റുള്ളവരുടെയും വിവരങ്ങള്‍ തേടി സിബിഐ ആദായ നികുതി വകുപ്പിനെ സമീപിച്ചു.നവംബര്‍ 20 2009: കോര്‍പറേറ്റുകളും ഇടനിലക്കാരും ചേര്‍ന്നു ടെലികോം മന്ത്രാലയത്തിന്റെ നയങ്ങള്‍ നിയമവിരുദ്ധ മാര്‍ഗങ്ങളിലൂടെ അട്ടിമറിച്ചെന്ന് ആദായ നികുതി വകുപ്പ് നല്‍കിയ രേഖകള്‍ തെളിവായി. മാര്‍ച്ച് 31 2010: ലൈസന്‍സ് നല്‍കിയ നടപടിക്രമങ്ങള്‍ സുതാര്യവും നീതിയുക്തവും അല്ലെന്നു സിഎജി റിപോര്‍ട്ടില്‍ പരാമര്‍ശം.മെയ് 6 2010: എ രാജയും നീരാറാഡിയയും തമ്മിലുള്ള ഫോണ്‍ സംഭാഷണം മാധ്യമങ്ങള്‍ പുറത്തുവിട്ടു.സപ്തംബര്‍ 13 2010: 2ജി ടെലികോം ലൈസന്‍സുകള്‍ നല്‍കിയതില്‍ 70,000 കോടി രൂപയുടെ അഴിമതി ആരോപിച്ച് സമര്‍പ്പിക്കപ്പെട്ട മൂന്ന് ഹരജികളില്‍ സുപ്രിംകോടതി കേന്ദ്രസര്‍ക്കാരിനും എ രാജയ്ക്കും നോട്ടീസയച്ചു.സപ്തംബര്‍ 24 2010: എ രാജയെ പ്രോസിക്യൂട്ട് ചെയ്യാന്‍ അനുമതി നല്‍കാന്‍ പ്രധാനമന്ത്രിയോടു നിര്‍ദേശിക്കണമെന്ന് ആവശ്യപ്പെട്ടു സുബ്രഹ്മണ്യന്‍ സ്വാമി സുപ്രിംകോടതിയില്‍ ഹരജി നല്‍കിഒക്ടോബര്‍ 2010: സിഎജി റിപോര്‍ട്ടില്‍ നിലപാടറിയിക്കാന്‍ കേന്ദ്രസര്‍ക്കാരിനോടു സുപ്രിംകോടതി. നവംബര്‍ 10 2010: 2ജി ഇടപാടില്‍ ഖജനാവിന് 1,76,000 കോടി രൂപയുടെ നഷ്ടമുണ്ടായെന്നു സിഎജി കേന്ദ്രസര്‍ക്കാരിനു റിപോര്‍ട്ട് നല്‍കി.നവംബര്‍ 11 2010: സിഎജി റിപോര്‍ട്ട് ചോദ്യംചെയ്ത് ടെലികോം മന്ത്രാലയം സുപ്രിംകോടതിയില്‍. നവംബര്‍ 14 15, 2010: എ രാജ ടെലികോം മന്ത്രിപദം രാജിവച്ചു. ഫെബ്രുവരി 10 2011: എ രാജ അറസ്റ്റില്‍. ഏപ്രില്‍ 2 2011: സിബിഐ ആദ്യകുറ്റപത്രം സമര്‍പ്പിച്ചു.ഏപ്രില്‍ 25 2011: സിബിഐ അഞ്ചുപേരെക്കൂടി പ്രതി ചേര്‍ത്ത് രണ്ടാം കുറ്റപത്രം സമര്‍പ്പിച്ചു.ഒക്ടോബര്‍ 23 2011: പ്രത്യേക ജഡ്ജി ഒപി സെയ്‌നി 17 പ്രതികള്‍ക്കെതിരേ കുറ്റം ചുമത്തി.നവംബര്‍ 11 2011: 2ജി കേസില്‍ വിചാരണ തുടങ്ങി.ഡിസംബര്‍ 9 2013: 2ജി അഴിമതിയെക്കുറിച്ചുള്ള സംയുക്ത പാര്‍ലമെന്ററി സമിതി റിപോര്‍ട്ട് ലോക്‌സഭയില്‍ വച്ചു.ഏപ്രില്‍ 25 2013: 2ജി അഴിമതിയില്‍ എന്‍ഫോഴ്‌സ്‌മെന്റ് ഡയറക്ടറേറ്റ് എ രാജയ്ക്കും കനിമൊഴി—ക്കുമെതിരേ കുറ്റപത്രം നല്‍കി. മെയ് 5 2014: പ്രധാനമന്ത്രിയുമായി ചേര്‍ന്നാണു നടപടികള്‍ സ്വീകരിച്ചതെന്ന എ രാജയുടെ മൊഴി വിചാരണക്കോടതി രേഖപ്പെടുത്തി.ജൂണ്‍ 1 2015: 2ജി അഴിമതിയില്‍ നിന്നു കലൈഞ്ജര്‍ ടിവിക്ക് 200 കോടി രൂപ ലഭിച്ചെന്ന് എന്‍ഫോഴ്‌സ്‌മെന്റ് ഡയറക്ടറേറ്റ് കോടതിയില്‍.ആഗസ്ത് 19 2015: എ രാജയ്‌ക്കെതിരേ സിബിഐ അനധികൃത സ്വത്ത് കേസെടുത്തു.നവംബര്‍ 3 2015: തനിക്കെതിരായ കുറ്റങ്ങള്‍ റദ്ദാക്കണമെന്ന കനിമൊഴിയുടെ ഹരജി സുപ്രിംകോടതി തള്ളി.ഏപ്രില്‍ 19 2017: പ്രത്യേക കോടതിയില്‍ 2ജി കേസിന്റെ അന്തിമവാദം പൂര്‍ത്തിയായി.ഡിസംബര്‍ 21 2017: എല്ലാ പ്രതികളെയും കുറ്റവിമുക്തരാക്കി സിബിഐ പ്രത്യേക കോടതിയുടെ വിധി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss