|    Dec 12 Tue, 2017 10:03 am

17കാരിയെ പീഡിപ്പിച്ച യുവാവ് അറസ്റ്റില്‍

Published : 8th February 2016 | Posted By: SMR

കാസര്‍കോട്: മിസ്‌സ്‌കോള്‍ വഴി പരിചയപ്പെട്ട 17കാരിയെ പ്രണയം നടിച്ച് ലോഡ്ജില്‍ കൊണ്ടുപോയി പീഡിപ്പിച്ചുവെന്ന കേസില്‍ യുവാവ് അറസ്റ്റില്‍. പേരാമ്പ്ര കായന്നയിലെ കെ പി ബിജു(36)വാണ് അറസ്റ്റിലായത്. അഞ്ച് മാസം മുമ്പ് മിസ്‌സ്‌കോള്‍ വഴി പരിചയപ്പെട്ട ഉളിയത്തടുക്ക സ്വദേശിനിയായ 17കാരിയെ പ്രണയം നടിച്ച് വിവിധ ഇടങ്ങളില്‍ കൊണ്ടു പോയി പീഡിപ്പിച്ചുവെന്നാണ് പരാതി. കഴിഞ്ഞ മൂന്നിന് പെണ്‍കുട്ടിയെ കാണാതായതിനെത്തുടര്‍ന്ന് ബന്ധുക്കള്‍ കാസര്‍കോട് പോലിസില്‍ പരാതി നല്‍കിയിരുന്നു. ഇതേ തുടര്‍ന്ന് സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തില്‍ പെണ്‍കുട്ടിയേയും ബിജുവിനെയും സുള്ള്യയില്‍ നിന്ന് കണ്ടെത്തിയിരുന്നു. തുടര്‍ന്ന് കാസര്‍കോട്ടെത്തിച്ച് ചോദ്യം ചെയ്തതോടെ പീഡനവിവരം പുറത്തറിയുകയായിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക